Саяси сахна

Б.Сағынтаев Президент Жолдауының міндеттерін түсіндіру үшін Шығыс Қазақстан облысына барды

  • © primeminister.kz

    © primeminister.kz

Семей қаласында активпен және жұртшылық өкілдерімен Президент Жолдауының негізгі бағыттары талқыланады. Атап айтқанда, халықтың табыс деңгейін арттыру, білім беру мен денсаулық сақтау сапасын жақсарту, тұрғын үйдің қолжетімділігі мәселелері қаралады. Бұған қоса, Премьер-Министр бірқатар әлеуметтік және өнеркәсіптік нысандарды аралап, солардың негізінде өңірде «Нұрлы жол», «Нұрлы жер», «Денсаулық» және т.б. мемлекеттік бағдарламалардың іске асырылуымен танысады.


Облыс орталығында активпен және жұртшылықпен кездесуде халықтың әл-ауқатын арттыруға бағытталған әлеуметтік міндеттерге баса көңіл бөлінеді. Көптеген мәселелер, соның ішінде индустрияландыруды, шағын және орта бизнесті, АӨК дамытудың, өңірлерді тұрақты дамытудың жаңа тәсілдері қаралады. Өскемендегі өңдеу өнеркәсібінің ірі нысандары мен білім беру мекемелерін аралау жоспарда бар.


Өңірге жасалған жұмыс сапары Семей қаласынан басталды. Премьер-Министр ұшып-қону жолағы мен аэровокзалды реконструкциялау нәтижесімен танысты. Шығыс Қазақстан облысының әкімі Д. Ахметовтың баяндауынша, әуежайды жаңғырту рейстер мен жолаушылар санын ұлғайтуға, сондай-ақ, ұшу кезіндегі қауіпсіздік деңгейін арттыруға жол ашады.


2016 жылғы желтоқсанда «Нұрлы жол» мемлекеттік бағдарламасы аясында басталған әуежайды реконструкциялау жұмыстары биыл аяқталады. Жобаны іске асыру ұшу-қону жолағын, жер үстімен жүру жолдарын және перронды, сондай-ақ, аэровокзал ғимаратын жөндеуді қамтыды. Ұшу-қону жолағына қатысты жұмыстар толықтай аяқталған: бүгінгі таңда аталған жолақ облысаралық және облысішілік авиарейстердің әуе кемелерін қабылдап, жөнелтеді. Осы жылдың 2 қыркүйегінен бастап ұшу-қону жолағы «Өскемен — Семей — Үржар», «Семей — Алматы», «Семей — Астана» бағыттары бойынша Ан-24 типіндегі ұшақтарды қабылдайды. Аэровокзалға қатысты жалпы аяқталған жұмыстар бүгінде 93% құрайды.



Жаңғырту қорытындысы бойынша әуежай «В» санатындағы халықаралық әуежайларға арналған ИКАО (Халықаралық азаматтық авиация ұйымы) талаптарына сай болады. Ал бұл 300 жолаушыға дейін тасымалдай алатын Boeing, Airbus, ИЛ-76 типіндегі әуе кемелерін қабылдауға мүмкіндік береді. Яғни, тәулігіне 25-30 рейске дейін, сағатына 200 адамға дейін қызмет көрсетуге жол ашылады. Жолаушылар терминалының ғимараты қауіпсіз пайдалану талаптарына жауап беретін болады, ал ол жолаушыларға қызмет көрсету сапасын едәуір жақсартады.


«Scat, Qazaq air, Bek air, Air Astana секілді отандық авиакомпанияларды тартумен қатар, Ресей Федерациясына, Түркияға, Мысырға, Біріккен Араб Әмірліктеріне халықаралық рейстерді ұйымдастыруға мүмкіндік туады. Аэровокзалда халықаралық және ішкі әуе қатынастарының жекелеген залдары пайда болады, заманауи тексеру жабдығы орнатылады. Жалпы, кешенде 250-ден астам адамға жұмыс орны ашылады», — деп баяндады Шығыс Қазақстан облысы әкімінің орынбасары С. Ақтанов.


Еске сала кетейік, Премьер-Министр Мемлекет басшысының тапсырмасымен ел өңірлерін жұмыс сапарымен аралап жүр. Осыған дейін Бақытжан Сағынтаев Атырау, Ақтөбе, Қарағанды, Қостанай, Қызылорда, Маңғыстау, Оңтүстік Қазақстан (қазіргі Түркістан), Батыс Қазақстан, Солтүстік Қазақстан, Ақмола және Павлодар облыстарында жұмыс сапарларымен болды. 


primeminister.kz




Көрілген: 535    Пікірлер: 0

сәрсенбі, 10.10.2018, 19:14

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31