Саяси сахна

"Мұның өзі жақсы" Нығматулин базар аралайтын министрді мақтады

  • © Sputnik / Болат Шайхинов

    © Sputnik / Болат Шайхинов

Мәжіліс төрағасы Нұрлан Нығматулин ұлттық экономика министрі Руслан Дәленовке отандық тауар өндірушілерді қолдауды тапсырды.


Бүгін мәжілістің жалпы отырысында "Бір тараптан ЕАЭО мен оған мүше мемлекеттер және екінші тараптан Иран Ислам Республикасы арасындағы еркін сауда аймағын құруға алып келетін уақытша келісімде ратификациялау туралы" заң жобасы қаралды. Сұрақ-жауап барысында депутат Арман Қожахметов импорттық кеден баждарын төмендетуге қатысты сұрақ қойды.


"Келісімге сәйкес, ЕАЭО тарапынан мазут, мотор майы секілді мұнай өңдеу өнімдері, сондай-ақ, көкөніс, оның ішінде қызанақ, картоп, қияр, тәтті өнімдері мен бірқатар өнеркәсіптік тауарға баж мөлшері төмендетіледі. Бірақ, бұл тауарлар өз елімізде де өндірілетінін білеміз. Осы орайда менде мынадай сұрақ туындайды: баждың төмендеуі қазақстандық тауар өндірушілердің бәсекеге қабілеттілігіне керіс әсер етпей ме?",- деді Қожахметов.


Ұлттық экономика министрі Қазақстан кейбір тауарларды импорттауға мүдделі екенін атап өтті.


"Келісім жүргізген кезде, тараптар барынша көп жеңілдікке ие болғысы келеді. Иран тарапы бас кезінде мың тауар туралы мәселе көтерді, келіссөз барысында біз тауар санын 502-ге дейін қысқарттық. Біз тауар импортына мүдделі екенімізді атап өткім келеді, әсіресе цитрус, пісте, алма секілді азық-түлік түрлеріне", - деді Дәленов.


Ол жемістер мен мұнай өнімдері, құбырлар мен арматура бойынша баж мөлшері сәл ғана төмендегенін атап өтті.


"Бұл отандық тауар өндірушілер мен бәсекелестікке еш әсерін тигізбейді. Оның үстіне Қазақстан да Иранға экспорттайтын тауарлар бойынша жеңілдіктер алды. Бұл бидай, арпа, ет және тағы басқа бойынша. Аталған қазақстандық тауарлардың әлеуетті экспорты үш жыл ішінде екі еселеніп, шамамен 1 миллиард долларға жетеді", - деді министр.


Осы кезде сөзге мәжіліс төрағасы Нұрлан Нығматулин араласып, ұлттық экономика министрінен отандық тауар өндірушілерді қолдауды сұрады.


"Руслан Ерболатұлы, сұрақ өте дұрыс қойылды. Сіз қызмет кезінде базардағы суреттермен жүретініңізге қарағанда, базар аралайтын сияқтысыз. Мұның өзі жақсы. Қазақстандық тауар өндірушілердің, ең алдымен, ауыл шаруашылығы тауарларын өндірушілердің бәсекеге қабілеттілігі қорғалмаса да, тым болмаса үкіметтің қолдауын сезінуі керек", - деді спикер.


Дәленов бұл мәселені бақылауға алатынына сендірді.


Sputnik 




Көрілген: 252    Пікірлер: 0

сәрсенбі, 13.03.2019, 14:59

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    наурыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31