Саяси сахна

Нұрсұлтан Назарбаев АҚШ елшісімен кездесті

  • Нұрсұлтан Назарбаев АҚШ елшісімен кездесті

    Нұрсұлтан Назарбаев АҚШ елшісімен кездесті

Қазақстан Президенті Нұрсұлтан Назарбаев АҚШ елшісі Джордж Кролмен кездесті, - деп хабарлайды Tengrinews.kz тілшісі Ақорда сайтына сілтеме жасап.

Мемлекет басшысы Нұрсұлтан Назарбаев Джордж Кролдың Қазақстан Республикасы мен АҚШ арасындағы екіжақты қарым-қатынасты дамытуда ерекше рөл атқаратынын айтып, бүгінгі кездесу Қазақстан Президентінің Америка Құрама Штаттарына ресми сапары қарсаңында өтіп жатқанын атап өтті. "26 жыл ішінде біздің елдеріміз арасында өзара достық қарым-қатынас орнап, 70-тен астам мемлекетаралық, үкіметаралық және ведомствоаралық келісімге қол қойылды", - деді Нұрсұлтан Назарбаев. Кездесу барысында Мемлекет басшысы АҚШ Президенті Д.Трамппен бірге стратегиялық серіктестіктің басым бағыттарында, соның ішінде терроризмге қарсы күрес жүргізу, ядролық қаруды таратпау режімін нығайту саласында, сондай-ақ сауда-экономикалық және инвестициялық ынтымақтастық аясын одан әрі кеңейту бағытында қол жеткізілген уағдаластықтардың маңыздылығын айтты. "Қазақстанда Америка капиталының қатысуымен 500-ге жуық компания жұмыс істейді, солардың 140-тан астамы - бірлескен кәсіпорындар. Олар тауар өндіріп, өнімдерін басқа елдерге экспорттаумен айналысады", - деді Қазақстан Президенті. Джордж Крол Қазақстан Республикасындағы дипломатиялық қызметіне жоғары баға бергені үшін Нұрсұлтан Назарбаевқа алғыс айтып, Қазақстан Президентінің алдағы сапары екі мемлекет арасындағы байланысты одан әрі нығайта түсетініне сенім білдірді. Еске салайық, өткен жылы қыркүйекте Дональд Трамп Нұрсұлтан Назарбаевқа қоңырау шалып, Вашингтонға ресми сапармен келуге шақырған еді.




Көрілген: 546    Пікірлер: 1

сейсенбі, 09.01.2018, 19:28

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31