Саяси сахна

Сағынтаев ТМД үкіметтері басшылары кеңесі отырысында Қырғызстан премьер-министрі Исаковтың мәлімдемесіне жауап берді

  • Фото: primeminister.kz

    Фото: primeminister.kz

Бүгін Ташкентте өтіп жатқан Тәуелсіз мемлекеттер достастығының үкіметтері басшылары кеңесінің отырысында Қырғызстан Республикасының премьер-министрі С. Исаков отырыстың күн тәртібіне енбеген қазақ-қырғыз шекарасындағы жағдайға қатысты мәселені көтерді, деп хабарлайды Baq.kz.


Көтерілген мәселеге байланысты ҚР Премьер-министрі Бақытжан Сағынтаев Қазақстан Үкіметінің ұстанымын түсіндірді.


«Қазақстан Үкіметі қырғызстандық тараптың айтқанын дұрыс деп есептемейді. Бұл мәселеге қатысты біздің еліміздің ұстанымы белгілі. Ол толығымен Еуразиялық экономикалық одаққа қатысушы елдердің экономикалық кеңістігінде жалпы идеологияның қалыптасуына сәйкес келеді және экономикалық тәуекелдерді азайтуды, Одаққа қатысушы елдердің экономикалық шығынын азайтуды көздейді.


Біз Қырғызстан Үкіметін өз міндеттемелерін растауға, Қырғызстанның ЕАЭО аясындағы өз міндеттемелерін орындауға және қолдануға шақырамыз. Бұл туралы ашық айтамыз және қырғызстандық әріптестеріміздің естігенін қалаймыз, - деді Бақытжан Сағынтаев.


Қазақстан Үкіметі қырғызстандық тараптың ұстанымын бес бағыт бойынша есепке алады:


Біріншіден, салықтық әкімшіліктендіру бойынша Қырғызстан ұлттық заңнама нормаларын ЕАЭО құқығымен сәйкестендіруі қажет.


Екіншіден, заңсыз экспортқа, оның ішінде контрафактілік өнімдердің экспортына қарсы әрекет ету.


Үшіншіден, қырғыз тарапынан ЕАЭО талаптарын сақтау үшін тауарларды тиімді ветеринарлық-санитарлық және фитосанитарлық (карантиндік) бақылау.


Төртіншіден, Қырғызстан тарапы Экономикалық одаққа мүше елдердің көліктік заңнамасын бұзудың алдын алу және ескерту бойынша шара қабылдауы тиіс.


Бесіншіден, контрабанда мен қазақ-қырғыз шекарасы арқылы есірткі заттарын, қару-жарақ, оқ-дәрі және басқа да тыйым салынған заттарды заңсыз тасымалдауға жол бермеу. 




Көрілген: 574    Пікірлер: 0

жұма, 03.11.2017, 16:39

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6
    7 8 9 10 11 12 13
    14 15 16 17 18 19 20
    21 22 23 24 25 26 27
    28 29 30 31