Денсаулық

Дәрігерлер Астанада орын алған бесінші ана өліміне қатысты түсініктеме берді

  • © Sputnik Грузия

    © Sputnik Грузия

Астана қаласында орналасқан №1 перинаталдық орталықта төртінші әйел көз жұмды. Бұл ақпаратты қалалық денсаулық сақтау басқармасы растады, деп хабарлайды Sputnik тілшісі.


Босанып жатып көз жұмған әйел қант диабеті мен қан аздығы ауруларына шалдыққан екен. Сондай-ақ, оның өліміне алдын ала болжап білуге болмайтын оқыс жағдай себеп болған.


"Әйел 1 қыркүйек сағат 22:20 шамасында қайтыс болды. Бұл аяқ астынан болған өлім. Алдын ала мәліметтер бойынша, оған қан тамырлары сумен бітеліп қалған деген диагноз қойылды. Ал нақты неден қайтыс болғанын аптаның соңында дайын болатын гистологиялық тексеруден кейін білетін боламыз", — дейді қоғамдық денсаулық сақтау басқарма төрағасының орынбасары Әлия Рүстемова.


№2 қалалық аурухананың бас дәрігері Иван Лидің айтуынша, дәрігерлер марқұмға инсулинотерапиядан өтуге кеңес берген. Әйел бұл емнен бас тартып, қан құрамындағы қант мөлшерін азайту үшін белгілі бір дәрілер ішкен деген болжам бар.


"Шартты түрде айтайын, оның бойы 160 сантиметр, ал салмағы 90 килограмм болған. Осы нәрсе дұрыс деп ойлайсыздар ма? Дәрігерлер оған өздігінен босануға рұқсат берген. Меніңше, дәрігерлер оның аман алып қалу үшін қолдарынан келгеннің барлығын жасады", — деп мәлімдеді Ли.


Сондай-ақ, штаттан тыс жұмыс істейтін акушер-гинеколог Иван Коркан бұл әйелдің өздігінен босану мүмкіндігі өте жоғары болғанын айтып өтті.


"Әрине, бәлкім бірден кесарево жасау керек болған шығар. Бірақ алдын ала тексеріс кезінде оған мұның қажеті жоқ екенін анықтадық", — деді Коркан.

Дәрігерлер босанып жатқан әйелдің жүрегі тоқтап қалғанына қарамастан, оның сәбиін құтқарып үлгергендерін айтты.


Биыл маусым-шілде аралығында Астана қаласындағы екі перинаталдық орталықта төрт әйел қайтыс болды. Денсаулық сақтау министрі Елжан Біртанов осы мәселеге тоқталып, соңғы алты ай ішінде аналар өлімінің көбейіп кеткенін айтқан-ды.


 




Көрілген: 468    Пікірлер: 0

сейсенбі, 04.09.2018, 13:48

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31