Мәселе

Ақсақалов оңтүстіктен солтүстікке көшкен жұртты ауылға қоныстандыруға тыйым салды

  • © ktk.kz

    © ktk.kz

Оңтүстіктен теріскейге қоныс аударатын жұрт бұдан былай тек ірі елді мекендерге ғана орналастырылуы тиіс. Солтүстік Қазақстан облысының әкімі өзінің қарамағындағыларға осындай тапсырма берді. Өйткені шағын ауылдарға көшіп баратын күнгейлік ағайын сол жерден тұрақты жұмыс таппай қиналады екен.


Бұған дейін өзге өңірлерден қоныс аударған халықты шенеуніктер мектебі жабылғалы тұрған шағын ауылдарға қоныстандыратын. Ондағы ойы халқы бытырап кеткен ауылдарды сақтап қалу болған. Оларға жұмысты тек жергілікті шаруа қожалықтары ғана ұсынатын. Бұл – қоныс аударушылардың еңбекақылары қолдарына тек күзгі жиын терімнен соң ғана тиеді деген сөз. Енді Алматы, Оңтүстік Қазақстан, Жамбыл, Қызылорда және Маңғыстау өңірінен көшіп келетін ағайын барлық мәдени, әлеуметтік нысандары бар ірі елді мекендерге ғана орналастырылатын болды. Екі жыл бойы жүзеге асып жатқан бағдарлама асяында теріскейге осы уақытқа дейін 300-ден астам отбасы көшіп келіпті. Ит жылы бұл көрсеткіш екі есеге артпақ.


Құмар Ақсақалов, Солтүстік Қазақстан облысының әкімі:


-Бұдан былай ешқандай әлеуметтік нысаны жоқ шағын ауылдарға оңтүстіктен келген ағайынды қоныстандыруға тыйым саламын. Олар басқа жерден жұмыс таппай ертең бір серіктестік иесінің қолына ғана қарап қалады. Сондықтан алдағы жылдан бастап облысқа қоныс аударатын отбасылар тек ірі елді мекендерге ғана жайғастырылсын.  


ktk.kz




Көрілген: 619    Пікірлер: 0

бейсенбі, 07.12.2017, 09:16

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31