Мәселе

Ақтөбеде "шариғат заңын енгіземіз" деген ата-аналар әкімдікке баса көктеп кірді (видео)

  • © nur.kz

    © nur.kz

Ақтөбеде медреседен білім алатын келіншектер мен ақ жаулықты аналар əкімдіктің алдына барып, оқушылардың орамалын шешпеуді талап етті деп хабарлайды өңірдегі NUR.KZ тілшісі.


Олар облыс əкімі Бердібек Сапарбаевқа осы тілектерін айтуға келген. Оқу жылының үшінші тоқсаннын айқай-шумен бастаған ата-аналар балаларының мектепке орамалмен жіберілуін сұрайды.


«Біздің мектекте оқитын баламыз жоқ. Бірақ, шариғатты қолдау үшін жиналып тұрмыз. Осында жиналғандардың дені əйелдер медресесінде білім алатындар. Орамалды шешуді талап ету адам құқығына шектеу деп ойлаймын.


Орамал таққандар арасында медресенің шəкірттері де бар. Балалар құқын қорғауға біз де атсалысқымыз келеді. Қазір қатты қысым жасалып жатыр, жанымыз ашып келіп тұрмыз», - дейді медресе шəкірті Алтын Уалиқызы.


Əкімдікке жиналғандарды облыстың бас ұстазы қабылдап, Ақтөбеде мектеп формасын сақтамаған оқушылардың ата-анасына айыппұлдар салынып жатқанын айтты.


«Баланың мектепке келуін қамтамасыз етпейтін болса, мектептің ішкі тəртібіне бағынбаса жауапқа тартылады. Қазіргі уақытта мектеп формасын сақтамағаны үшін айыппұл салынғандар бар», - деді Ақтөбе облыстық білім басқармасының басшысы Лəззат Оразбаева.


Ата-аналар сонымен қатар, қыз балаларға арналған мектептің ашылуын талап етіп отыр. Олар прокуратура өкілдері мен əкімдік қызметкерлерінің қатысуымен дөңгелек үстел өткізуді сұрайды.


Талап қоюшы тарап "балаларымыз орамалын шешпейді" деген пікірге бекініп алған.



Естеріңізге сала кетсек, Ақтөбе облысында орамал мəселесіне қатысты жұмыс жүргізіліп жатқан 300-ден аса оқушы бар.


Айта кетерлігі, «Дін бостандығы мен діни бірлестіктер туралы» Қазақстан Республикасы Заңынның 5 бабына сәйкес, республикадағы білім және тәрбие беру жүйесі діни бірлестіктерден ажыратылған және зайырлы сипатқа ие. Республика мектептерінде бірыңғай мектеп формасы сақталуы тиіс, ол оқушыны тәртіпке шақырады және оның мәртебесін көрстеді. Республика мектептеріндегі оқушылар үшін іскерлік стильді енгізу (мектеп формасы) білім беру мекемесінің ішкі ұйымдасу Ережелері мен Жарғысында көрсетілген. 




Көрілген: 834    Пікірлер: 0

сейсенбі, 09.01.2018, 11:23

Достарыңмен бөліс:

СОҢҒЫ ЖАРИЯЛАНЫМДАР:

Көп ашылған Көп пікір жазылған

2018
2008
2009
2010
2011
2012
2013
2014
2015
2016
2017
2018
сәуір
қаңтар
ақпан
наурыз
сәуір
мамыр
маусым
шілде
тамыз
қыркүйек
қазан
қараша
желтоқсан

Алаш Айнасы мұрағаты

Дс Сс Ср Бс Жм Сн Жс
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30