Мәселе

Ақтөбелік қария өзінің тірі екенін дәлелдей алмай жүр

  • Ақтөбелік қария өзінің тірі екенін дәлелдей алмай жүр

    Ақтөбелік қария өзінің тірі екенін дәлелдей алмай жүр

Ақтөбе облысы, Алға ауданының тұрғыны Дариға Салмағамбетова қаңғыбастар үйінде тұрып жатыр. Ол құжат бойынша қайтыс болған адамдардың тізіміне еніп кеткен, деп хабарлайды ҚазАқпарат тілшісі.


Ақтөбенің Алға ауданынан облыс орталығына келген Дариға Салмағамбетова қазір белгілі тұрағы жоқ және қылмыстық жазасын өтеген тұлғаларды бейімдеу орталығында тұрып жатыр. Ол туған ұлының үйінен кетіп қалып, кейін бейтаныс адамның шаңырағына барған. Өзіне жат адамның қас-қабағына қараған қария бейімдеу орталығын ең қолайлы жер деп отыр.


«Ұлыммен бірге тұрдым. Кейін балам белгісіз жаққа кетіп қалып, келінімнің жанында болдым. Баламның қайда жүргенін, бар немесе жоқ екенін білмеймін. Ал келінім маған үйден шық деп айтып, маза бермеді. Мен жағдайымды айтып, ауыл әкімінен көмек сұрадым. Олар ауылдан бір адамды тауып берді. Сол үйде тұрып, зейнетақымды бердім. Бірақ олар тамақ бермей, аш қалдым. Ұрды, қорқытты. Содан дейін кетіп қалдым»,- деді Дариға Салмағамбетова.


Қария 79 жаста. Ол тамыз айынан бері қаңғыбастарға арналған орталықта тұрып жатыр. Әр жерге көшіп, жан бағып жүрген кезде Дариға Салмағамбетова тірі адамдар қатарынан жойылып, өлілер қатарына қосылған. Құжатты қайта жасатып, өзінің тірі екенін дәлелдеу қиынға соғып тұр.


«Жеке куәлігі бар, зейнетақы алып отырған қария бір күнде өлі адамдардың тізіміне алынды. Бейімдеу орталығына келген соң Халыққа қызмет көрсету орталығына барып, тіркеуге алуды жөн көрген едік. Сол кезде оның қайтыс болған адамдар тізіміне еніп кеткенін білдік. Қазір құжаттары қайта жасалып жатыр»,- деді бейімдеу орталығының маманы Райса Дармышева.


Айта кетейік, Халыққа қызмет көрсету орталығында құжаттар қайта қалпына келтіріліп жатыр. Мамандардың айтуынша, 2011 жылы мәліметтер базасы қайта жасалып, ауылдық округтің анықтамасы бойынша Дариға Салмағамбетова қайтыс болғандар тізіміне еніп кеткен.


Себебі, қарияның жеке куәлігінде ЖСН болмаған. Ал ол куәліктер қазір жарамсыз. Қателік ауылдық әкімдіктен кетті. Олар қария туралы адамдардан сұрап, таппаған соң қайтыс болғаны туралы анықтама беріп жіберген. Кейін анықталмалық аудандық ішкі істер бөліміне берілді. Дариға Салмағамбетова өзінің тілі екенін дәлелдеу үшін алдымен қайтыс болғаны туралы акті алады. Кейін неліктен мекенжайы бойынша тұрмайтыны туралы түсініктеме жазады. Жеке куәліктің көшірмесе де қажет. Ал ХҚКО екі күнде құжатын қайта жасап, мәліметтер базасын жаңартады.


 




Көрілген: 350    Пікірлер: 0
Пікір қалдырыңыз

жұма, 22.12.2017, 22:05

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31