Мәселе

Астанадағы мешітте әжейді жұлқылып, ауызашардан қуғандар жаға ұстатты

  • Көрнекі фото: screen-ad.ru

    Көрнекі фото: screen-ad.ru

Белгілі журналист және тележүргізуші Асаубек Айымбетов Астанадағы Хазрет Сұлтан мешітінде қарт әжейді жұлқылап, шығуын кетуін талап еткен діни қызметкерлердің әрекетін сынға алды деп хабарлайды NUR.KZ.


Журналист өзінің Instagram парақшасында жазғандай, әріптесі екеуі Хазрет Сұлтан мешітіне ауызашарға барыпты. Шақырусыз келген қазақ әжейінен мешіт қызметкерлері шығып кетуін талап еткен.


Өте ыңғайсыз көрініске тап болдым. Талонсыз, шақырусыз келген қазақ әжей үстел басында ас ішіп отырған жерінен, оны админстратор жұлқылай бастады. "Шығыңыз, ереже бар, талап бар", деп самайын ақ шалған кейуананы көптің көзінше масқаралай бастады. Тіпті күзетшілерді шақырды. Менің көзім атыздай болды.

Қасиетті Рамазан айында, мейірім мен тазалық мекені мешітте осындай жағдай болады деп ойламаппын. Алланың үйінде айқай шығып, жұпыны киінген міскін әжейді жұлқылайды деп кім ойлаған?


Бұл мәселені өзгеше шешуге болмас па еді? Ұяттан бұрын, бұл сұмдық көрініс! Кәсіпкерлердің қаражатына жасалып отырған ауызашарда жағдайы жоқ кейуананы сыртқа қуу қай шариғатта көрсетілген?

Ана әжейден ешкім кешірім сұрамады-ау деп әлі ұйқым төрт бөлініп жүр! Алла үйіндегі оқиға мен үшін ШОК!", - деп жазды журналист.


Асаубектің айтуынша, түсініспеушілік орын алғасын оны мешіт қызметкерлері кері шақырған, алайда ол үйіне қайтып кеткен. 




Көрілген: 5294    Пікірлер: 0

дүйсенбі, 04.06.2018, 10:11

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    маусым
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30