Мәселе

Әуежайда болған жағдайға байланысты Төреғали Төреәліге жаза тағайындалды

  • © Tengrinews.kz

    © Tengrinews.kz

Төреғали Төреәліге Әкімшілік кодекстің екі бабы бойынша айыппұл салынды, - деп хабарлайды Tengrinews.kz тілшісі көліктегі ІІД баспасөз қызметіне сілтеме жасап.


Көліктегі ІІД мәліметінше, 11 қазанда Желілік ішкі істер бөлімінің қызметкерлері Алматы әуежайында Төреғали Төреәліге қатысты ҚР Қылмыстық кодексінің 392-бабының 1-бөлігі бойынша ("Қазақстан Республикасының Мемлекеттiк шекарасын қасақана заңсыз кесіп өту") қылмыстық іс қозғады.


"Қылмыстық істі тергеу барысында Төреғали Төреәлінің әрекетінде қылмыстық құқық бұзушылық анықталмады. Сондықтан 16 қазанда Желілік ішкі істер бөлімінің қызметкерлері Әкімшілік кодекстің 2 бабы бойынша әкімшілік іс қозғады: 513-баптың 1-бөлігі ("ҚР Мемлекеттiк шекарасы арқылы өткiзу пункттерінде режимдi бұзу") және 564-баптың 4-бөлігі бойынша ("Әуежайлардың (аэровокзалдардан басқа), әуеайлақтардың, ұшуды радиомен және жарықпен қамтамасыз ету объектілерінің аумағы бойынша тиісті рұқсатсыз жүріп өту немесе көлікпен өту")", - деп хабарлады Көліктегі ІІД баспасөз қызметіндегілер.


Ведомство өкілдерінің мәліметінше, сол күні ереже бұзушыға Мемлекеттiк шекарадан өту пунктінде режим бұзғаны үшін 5 айлық есептік көрсеткіш көлемінде және әуежай аумағында рұқсатсыз жүргені үшін 1 айлық есептік көрсеткіш көлемінде айыппұл салынды.


"Әкімшілік айыппұлды 7 тәулік ішінде төлемеген жағдайда Қазақстан заңдарына сәйкес, қатаң жазалар тағайындалады", - деп ескертті көліктегі ІІД баспасөз қызметіндегілер.


Еске сала кетейік, мұның алдында Төреғали Төреәлімен болған жағдайдан кейін әуежай қызметкерлерінің жазаланғаны хабарланған болатын. Алматы халықаралық әуежайы Авиациялық қауіпсіздік комитеті тексеру бөлімшелерінің инспекторлары Ринат Рахымгереев, Абылай Қырғызбаев пен Шолпан Закирова ҚР Әкімшілік құқық бұзушылық туралы кодексінің 570-бабының 1-бөлігі бойынша әкімшілік жауапкершілікке тартылды. Олардың әрқайсы 20 айлық есептік көрсеткіш көлемінде (48 100 теңге) айыппұл төлеуге міндеттелген еді.

 




Көрілген: 476    Пікірлер: 0

сәрсенбі, 17.10.2018, 18:06

Достарыңмен бөліс:

  • СОҢҒЫ ЖАРИЯЛАНЫМДАР:
    18 Қараша, 11:42
    Ерекше құдалық (ВИДЕО)

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қараша
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30