Мәселе

Қазақстандағы аналар үйінде баласымен бірге тұратын 14 жастағы оқушылар бар - БАҚ

  • Қазақстандағы аналар үйінде баласымен бірге тұратын 14 жастағы оқушылар бар - БАҚ

    Қазақстандағы аналар үйінде баласымен бірге тұратын 14 жастағы оқушылар бар - БАҚ

 Қазақстандағы аналар үйінде баласымен бірге 300-ге жуық әйел тұрады. Олардың арасында 14 жастағы мектеп оқушылары да бар, деп хабарлады "Алматы" телеарнасы. Телеарнаның мәліметінше, жесір қалған келіншектерді қолдау үшін ашылған ұйым тұл жетімдердің болмауына септесіп келеді.


Соңғы 5 жыл ішінде үш мыңнан астам бүлдіршін балалар үйіне өткізілмеген. Мысалы, Элиза Әбішева Өзбекстанда туған. Қазақ жерінде тұрып жатқанына 18 жыл болыпты. Осы уақыт ішінде біздің елдің азааматтығын ала алмаған 23 жастағы келіншектің бір ұлы бар. Алты жасар Аят қоянжырық дертіне шалдыққан. Элиза баласына әкесі туралы тіс жармайды екен. Себебі, аяғы ауыр кезде-ақ баламды өзім бағып-өсірем деп шешім қабылдаған. "Жүкті кезімде бәрі маған "бұл баланы қайтесің, әлі жассың ғой, жетім балалар үйіне өткізе сал", деп үгіттеді. Ал, мында керісінше, бала үшін күресуің керек, сен мықтысың, қолыңнан келеді деп күш-жігер береді. Менің арманым, балам сауығып, ел қатарлы сөйлеп кетсе екен", - деді Элиза.


Ал, Айжан тұрмысқа шыққанда қолында бірінші күйеуінен туған баласы болған. Өгей әке өзгеден туған баланы жақтырмай ақыры екеуі айырылысып тынады. Ал баласын уақытша қарай тұрамыз деп алған Тараздағы туыстары қазір баланы бермей отыр екен. Аналар үйінде Айжан секілді қиын жағдайда қалған әйелдер көп. Олардың проблемаларын Алматы қалалық Әділет департаментінің мамандары тыңдады. Заңгерлер әкелік және аналық құқықты алып беруден алимент құжаттарын толтыруға дейін көмектеседі. Қазақстанда мұндай аналар үйінің саны - 25. Бір ғана Алматының өзінде 14 пен 30 жас аралығындағы 40-тан астам әйел қазір дәл осындай мекемеде көмек алуда.


Алданып қалған әйелдер әсіресе, оңтүстік өңірлерден жиі келеді, дейді мамандар. "Бұл кісілердің көптеген сұрақтары әкелерінің көмектеспеуі, әкелік құқықты танымай қалуы немесе әкелердің қайда жүргенін білмеуі. Біздің тараптан сот саласымен және де сот саласының мамандарымен біріге жұмыс жасап, бұл кісілерге алимент өндіру, өздерінің балаларының құжаттарын жасап беру туралы өз тарапымыздан көмек жасаймыз", - деді Алматы қалалық әділет департаментінің бөлім жетекшісі Нұржан Мұратханұлы. Сарапшылар "балаңызбен көбірек сөйлесіңіз, ең "ұят" деген тақырыптардың өзін талқылаудан қашпаңыз", деп кеңес береді.


"Балаңыз неғұрлым сауатты болған сайын жас кезінде қателікті аз жібереді", - дейді олар. Аналар үйіне кейде қолындағы баласымен ер азаматтар да келіп, не істерін білмегеннен баладан бас тартып та жатады екен. Оларға да мұнда қолдан келгенше көмек көрсетіледі. Әзірге, Аналар үйі 5 жыл ішінде 3 мыңнан аса анаға көмек қолын созған. Бұл 3304 бала жетімдер үйіне берілмеген, деген сөз. Тіпті, кей әйелдер осында жүріп білім алып, жұмысқа тұрып, тіпті тұрмысқа шығатын көрінеді.


kaz.tengrinews.kz




Көрілген: 776    Пікірлер: 0

жексенбі, 03.06.2018, 10:09

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған

    2018
    2008
    2009
    2010
    2011
    2012
    2013
    2014
    2015
    2016
    2017
    2018
    тамыз
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30 31