Мәселе

Күйеуі намаз оқуға тыйым салған көкшетаулық бойжеткен жындыханадан шыға жаздады

  • Көрнекі фото: ru.freepik.com

    Көрнекі фото: ru.freepik.com

Астанада бес жыл бойы намаз оқып, кейін тұрмыс құрған соң намазын тастауға мәжбүр болған көкшетаулық ару жындыханадан бір-ақ шыға жаздаған. Жас келіншек депрессияға тап болып, психологтардың көмегімен күйзелістен шыққан деп хабарлайды NUR.KZ.


Мамандардың айтуынша, бес жыл бойы намазға жығылған ару, күйеуінің қысымымен одан бас тартуға мәжбүр болған. Аталған шешім келіншекке ауыр тигені соншалық, ол психологтардың көмегімен күйзелістен әрең дегенде шыққан.


"Дін мәселесі жастар арасында өзекті. Әсіресе әйелдерге дінге кіру немесе одан шығу өте қиынға соғады. Адамның психологиялық ой-өрісі өзгеріп, дүниеге деген танымы басқаша болып шыға келеді. Бізде осыдан бірер жыл бұрын осындай оқиға болды.

Бес жыл бойы намазға жығылған жас қыз тұрмыс құрғаннан кейін, намаз оқуды тастауға мәжбүр болған.


Жолдасы мен ата-анасы келіншекке намазға жығылуға тыйым салып, жүйкесін тоздырған. Әрине әркімнің таңдауы, қалауы болады. Бірақ діндегі адамдарға еркінен тыс ондай қадамға бару – өте қиынға соғады.


Намазын тастамаған келіншектен ақыры күйеуі бас тартқан көрінеді. Ол аздай ата-анасы оны басқа келіншекпен таныстырып, үйлендіріп жіберген.


Міне осының бәрі бойжеткеннің жүйкесіне әсер етіп, жындыханадан бір-ақ шыға жаздаған. Түнде ұйқысы бұзылып, әр нәрседен қорқуды шығарған. Абырой болғанда келіншектің ата-анасы қыздарының осындай күйге түскенін дереу байқап, дәрігердің көмегіне жүгінген.


Ол жақта курсы аяқталған соң бізге келіп жүрді. Қазір көп уақыт болды хабар алмағанымызға, бірақ бізден кеткенде тәп-тәуір оңалып қалған еді. Ендігі өмірі өз қолында", - деді маман.


Психолог маман, сонымен бірге, отбасындағы кикілжіңдерден кейін көп жағдайда әйел адамдардың жүйкесі сыр беретінін тілге тиек етті.


"Әйелдерге қашан да ер адамның, жақындарының қолдауы, қолпаштауы керек. Жаңағы жағдайда жас әйелге намаздан күштеп бас тартқызуы, күйеуімен ажырасып кетуі үлкен соққы болған. Әйелдің қырық жаны бар дейді, бірақ сонда да оларды әлпештеген жөн.


Себебі жүйке жүйесі қазір сыр бермегенімен, кейін бұзылуы әбден мүмкін. Ал ол ағзаның басқа да мүшелеріне кері әсерін тигізеді", - деді маман.


 




Көрілген: 324    Пікірлер: 0

сенбі, 02.02.2019, 10:15

Достарыңмен бөліс:

  • СОҢҒЫ ЖАРИЯЛАНЫМДАР:
    9 Ақпан, 21:05
    Лашықтағы өмір

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    ақпан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28