Мәселе

Шымкентте ауру анасы мен 4 қарындасын жалғыз асырап отырған 13-тегі балаға жұрт үй алып берді (видео)

  • Фото: NUR.KZ

    Фото: NUR.KZ

Шымкентте анасы мен төрт қарындасын жалғыз асырап жүрген 13 жасар Ағабек есімді балақайға қайырымды жандар үй алып берді. Сабақтан соң темір-терсек өткізіп, күніне 1500 теңге табатын жеткіншектің анасы жұмысқа жарамайды. Ал бұл отбасыны әкесі тастап кеткен. Ағабектің тағдыры көпшілікті бей-жай қалдырмай, еріктілер екі күнде оның отбасына үй алып берген деп хабарлайды NUR.KZ.


Шымкент тұрғыны тас жолдың бойынан үсті-басы балшық болған баланы көріп қалып, оның жағдайын білуге асыққан.


"Бірнеше күн бұрын Забадам жаққа кетіп бара жатыр едім, трассаның бойынан 12-13 жасар баланы көрдім. Оның үстінің бәрі лас болатын. Мен "құлап қалған шығар" немесе "такси ұстай алмай тұр" деп ойладым. Расымен жеткіншек көлік тоқтатып тұр екен. Ол шошқа шаруашылығы маңынан жинаған темір-терсегін өткізгісі келіпті. Сосын мен баламен еріп, темір қабылдайтын орынға бардым. Қолымыздағы затты 1500 теңгеге өткіздік. Балақай әлгі ақшаға азық-түлік алатынын айтты. Мен онымен еріп үйіне дейін бардым.


Ал ол аяқ киімін шешкенде, мен шошып кеттім. Себебі менің аяқ киім деп ойлағаным, жаздық тәпішке екен. Ал оның үстіне бірнеше қабат қара балшық жабысыпты. Ол осы тәпішкемен 7-8 сағат бойы жүрген. Үйде бізді төрт кішкентай қыз күтіп алды. Олардың жастары 6, 5, 4, 3 жаста. Кішкентайлардың барлығы жеңіл киініп алған. Тіпті аяқтарында шұлығы жоқ.


Анасының әңгімесінен түсінгенім, Ағабек (ред: балақайдың аты) түске дейін мектепте оқып, түстен кейін отбасын асырайды екен", - деп жазбасын аяқтады автор videogram_kaz парақшасында.




Айта кетейік, ерікті азаматтың бұл видеосы жұртты бей-жай қалдырмаған. Осы жазбаны көрген көпшілік бір күнде 5 млн теңгеге жуық ақша жинаған.


Ал күні кеше videogram_kaz парақшасында Ағабектің отбасына деп 7 млн теңге жиналғаны, жеткіншектің отбасына жер үй сатып алынғаны хабарланды. Пәтер жалдап күнелткен отбасы бүгін жаңа үйге қоныс аудармақ.


 




Көрілген: 232    Пікірлер: 0

жұма, 08.02.2019, 18:20

Достарыңмен бөліс:

  • СОҢҒЫ ЖАРИЯЛАНЫМДАР:
    9 Ақпан, 21:05
    Лашықтағы өмір

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    ақпан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28