Мәселе

Судья Елбасына хат жазған Ерденаевтың анасынан сотқа қысым жасамауды сұрады

  • ҚазАқпарат

    ҚазАқпарат

Алматыда БЖЗҚ қаржысын талан-таражға салғандар ісі бойынша сотта судья экс-төраға Руслан Ерденаевтың анасы жазған арыз бойынша шешім шығарды, деп хабарлайды ҚазАқпарат  тілшісі.


Күдіктінің анасы Елбасына баласын арашалап алу туралы хат жазған.


«Маған Ерденаевтың анасының Елбасына жазған хаты түсті. Кәсіби тұрғыдан білікті адвокат жазған. Осындай хаттың авторларына айтарым, зерттеу біткенше биліктің басында тұрғандарға шағымдануды қоя тұрыңыздар. Бұл сотқа жасалған қысым деп түсінемін. Белгілі бір қылмыстық істі қарау кезінде судья лауазымды тұлғалардың айтқанын емес, заң талабын ғана негізге алу керек. Жоғары тұрған құзырлы органдарға шықсаңыздар кәсіби білікті адвокат ретінде түсіндірулеріңіз керек. Сотқа ондай талап қоймау керек. Осыны ескере жүріңіздер», - деді судья Мартпек Кәкімжанов.


Қазір аталған іс бойынша сот ісі жалғасып жатыр. Алмалы аудандық соты 2017 жылдың 9 қаңтарында «БЖЗҚ» АҚ экс-төрағасы Руслан Ерденаевқа, «БЖЗҚ» АҚ тәуекелдерді басқару департаментінің басшысы Мұса Бақытовқа, «Алатау Мұнай Алтын» АҚ бақылау кеңесінің төрағасы Бақытжан Кенжебаевқа, «Бузгул Аргум» ЖШС директоры А.Найзағаринге қатысты бұлтартпау шарасын тағайындаған болатын.


Кейінірек аталған іске қатысы бар деген күдікпен «Мегатрансазия» ЖШС директорының орынбасары Т. Тұртаев пен «БЖЗҚ» АҚ басқарма төрағасының бұрынғы орынбасары Д. Медетбеков қамауға алынған еді.


Сотқа дейінгі тергеу орындары Р.Ерденаев пен өзге де тұлғаларға меншікке қатысты ҚР ҚК 189-бабының 4-тармағы бойынша ауыр қылмыс жасады деп айып тағып отыр.


Айта кетейік, жыл басында Ұлттық қауіпсіздік комитетінің Алматы қаласындағы департаменті БЖЗҚ-ның құны 5 млрд теңге болатын келісімшартын тексерген болатын. Ұлттық банктің қатысуымен «Бірыңғай жинақтаушы зейнетақы қоры» АҚ-ның әрекетін тексеру өткен жылдың 21 желтоқсанынан басталған.


 


 




Көрілген: 491    Пікірлер: 0

сейсенбі, 09.01.2018, 17:31

Достарыңмен бөліс:

СОҢҒЫ ЖАРИЯЛАНЫМДАР:

Көп ашылған Көп пікір жазылған

2018
2008
2009
2010
2011
2012
2013
2014
2015
2016
2017
2018
сәуір
қаңтар
ақпан
наурыз
сәуір
мамыр
маусым
шілде
тамыз
қыркүйек
қазан
қараша
желтоқсан

Алаш Айнасы мұрағаты

Дс Сс Ср Бс Жм Сн Жс
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30