Мәселе

Танымал қазақ миллионері Қазақстанды тастап, шетелге көшіп кетті

  • © Instagram

    © Instagram

 Танымал қазақ миллионері Марғұлан Сейсембай Қазақстанды тастап, шетелге көшіп кеткенін мәлімдеді. Бұл туралы ол өзінің Facebook желісіндегі парақшасына жазған деп хабарлайды NUR.KZ.


Белгілі кәсіпкер неліктен Қазақстаннан кеткенін айтып берді. Оның айтуынша, ол өз елі мен жерін қанша жақсы көрсе де, шетелде тұруға мәжбүр болған. Шетелге кетуіне не себеп болғанын бизнесмен желіге жазып қойды.


"Достар, менің көп уақыттан бері шетелде жүргенімді байқаған шығарсыздар. Түрлі өсек пен қаңқу сөздер тарап кетпес үшін, себебін өзім жазайын.


Оған себеп, мені КМобайл мен Бител бойынша бұрынғы серіктесім Ескендір Ерімбетовтің ісі бойынша тергеуге шақыра берді. Оны 2017 жылғы 11 қарашада ақша жымқырды деп қамауға алған еді", - деп жазды ол.


Бизнесменнің айтуынша, оны тергеуге қаржылық полиция шақырып жатыр.


"Іс туралы және ол неліктен қозғалғаны туралы ештеңе айта алмаймын. Алайда мені КМобайл мен Бител жөніндегі келісімге қатысты сұрақтың астына алып жатыр", - деп түсіндірді ол.


Оның айтуынша, екі компания арқылы тапқан табыстың барлығын ол Альянс банкке инвестициялаған.


"Мен мұны не үшін жазып отырмын. Бұл ашық хат емес, президентке ашық жолдау емес. Қоғамдастық тарапынан да қолдау іздеп отырған жоқпын.


Мұны жазуымның себебі, біріншіден, жасыратын ештеңем жоқ, екіншіден, жұртқа елден не үшін кеткенімді түсіндірмек болдым.


Саясатқа араласып, оппозицияға кіру және т.б. ойым жоқ. Мен жай ғана шетелде тұратын боламын. Осылайша, менің қолымнан келетін бизнеспен, қоғамдық істермен айналысып, экология мен саяхатқа көңіл бөлетін боламын.


Есікті тарс жауып кетіп бара жатқаным жоқ. Қазақстанға өзімнің және отбасымның қауіпсіздігіне толығымен көзім жеткенде ғана қайтып келемін. Елде жауым жоқ. Қазақстанды қатты жақсы көремін, бұл - менің Отаным, сондықтан ол қандай болса да, менің жүрегімде болады.


Қазақтар мен Қазақстанда тұратындардың барлығын жақсы көріп, аса құрметтеймін. Халқымды, салт-дәстүрімізді, мәдениетімізді шексіз сүйемін. Сондықтан Қазақстанға қатысты кез келген дүние мен үшін қымбат.


Шетелде жүріп, елімді сағынатын боламын. Шетел ешқашан туған жерімдей болмайды. Шетелде жүріп, бизнесін дөңгелетіп жүргендерге көмек беруден аянбаймын", - деді бизнесмен.




Көрілген: 782    Пікірлер: 0

бейсенбі, 11.01.2018, 10:15

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2018
    2008
    2009
    2010
    2011
    2012
    2013
    2014
    2015
    2016
    2017
    2018
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28
    29 30 31