Суррогат ананың қандай құқықтары бар?
Қазіргі таңда елімізде жас отбасылардың көбі денсаулықтарына байланысты бала сүйе алмай жүр. Дегенмен қазір медицинаның дамыған заманы, келісу арқылы бөтен әйелдің жатырына ерінің ұрығын салып, бала көтеруге де болатын болды. Осы ретте мен суррогат ана болғым келеді, жалпы суррогат ананың қандай құқықтары бар, кейін ол балаға өз фамилиямды беруге құқым бар ма?
Гүлжан, Атырау қаласы
Бұл сауалға белгілі заңгер Кәрібай Тасшабаев жауап береді:
–«Неке және отбасы туралы» кодекстің 54-бабына сәйкес, суррогат ана болу шарты мемлекетіміздің азаматтық заңнамасы талаптарын сақтай отырып, жазбаша жасалып, міндетті түрде нотариус арқылы куәландырылуы керек. Ол ең алдымен суррогат анамен шарт жасаларда тапсырыс берушінің құқын реттеуге көмектеседі. Егер суррогат анамен шарт жасасқан ерлі-зайыптылар баладан бас тартқан жағдайда, ана болу құқығы өз тілегі бойынша суррогат анада қалатын болады.
