Меркіде Жауғаш Батыр турнирі өтті

Меркіде Жауғаш Батыр турнирі өтті

Жақында Жамбыл облысының Меркі ауданында тұңғыш рет ұлттық жекпе-жектен Абылай ханның ақ туын ұстаған, қазақтың көрнекті қолбасшысы, мәмілегер елшісі Жауғаш батыр Қырбасұлының рухына бағышталған республикалық турнир өтті, деп хабарлайды «Алаш айнасы» газеті.
Еліміздің спорт агенттігі мен Республикалық жекпе-жек федерациясы мұрындық болған Жауғаш батыр бабамыздың турниріне еліміздің түкпір-түкпірінен келген 100-ге тарта таңдаулы жекпе-жек шебері қатысты. Айтулы турнирдің салтанатты ашылу рәсімінде Жауғаш батырдың тікелей ұрпақтары бабадан мұра боп қалған Абылай ханның ақ туын көпшілік алдына алып шықты.


Мерейлі Меркінің мәдениет сарайының төріне құрылған темір торлы сұсты сегіз бұрышта өткен адуынды айқастарды тамашалауға келген жанкүйерлерде есеп болмады. Республикалық жекпе-жек федерациясының президенті Сабыржан Махметов спортшыларға «Жауғаш батырдай ту көтеріп, ел қорғайтын хас батыр болыңдар» деп тілек айтты. Турнирге Жауғаш батырдың тікелей ұрпақтары мен «Сәмен батыр» қоғамдық қоры, сондай-ақ Меркі аудандық әкімдігі жан-жақты демеушілік жасап, қолдау көрсетті.
Жүлделер 9 салмақ дәрежесі бойынша сарапқа салынды. Жекпе-жектер 5 минуттан 2 раундқа созылды. Ал сегіз бұрыш ішінде айқасқан екі спортшы тең түскен жағдайда, 3 минуттық қосымша кезең белгіленді.
Әсіресе, 55, 60 және 70 келі салмақтардағы бәсекелстік өте жоғары болды. Бұл салмақтарда жеңімпаз атану үшін әр спортшы 3-4 кездесуден өткізді. Қорытындысында, 55 келі салмақта алматылық «Бекнар» клубының өкілі Мейір Әбілғазимов барлық қарсыластарына басымдық танытып, Жауғаш батыр атындағы турнирдің алғашқы жеңімпазы атанды. Сондай-ақ ол демеушілер тағайындаған қомақты сыйақымен және үздік техникасы үшін арнайы кубокпен марапатталды.
60 келі салмақта атақты Ардақ Назаровтың «Әлем файтерс» клубының танымал спортшысы Қазбек Әшімов қарсылас шақ келтірмеді. Қазбек те медаль, дипломмен бірге қомақты сыйақыға ие болды.
70 келі салмақта да «Әлем файтерс» өкілі Нұржан Тұтқаев чемпион атанды.
Аса ауыр салмақта қарағандылық Мирас Қонақовтың мерейі үстем болды.
Жалпыкомандалық есептегі бас кубокті алматылық «Алаш Прайд» клубы еншілесе, екінші-үшінші орындарды «Әлем файтерс» пен «Бекнар» клубтары өзара бөлісті.
Мейір Әбілғазимов, турнир жеңімпазы
- Мен мұның алдында Алматыда өткен екі республикалық турнирде жеңімпаз атанғанмын. Бұл жолы да бас жүлдеден дәметіп келгенім рас. Әр жекпе-жек барысында жеке бапкерім Бекнар ағамның үйреткендерін бұлжытпай орындауға тырыстым. Сол зая кеткен жоқ, жеңімпаз атанып, үздік техникам үшін арнайы кубокпен мараптталдым. Әрине, өте қуаныштымын. Осындай ержүрек батырларымызға арналған сынақтар көбейе берсе екен деп тілеймін.
Сабыржан Махметов, ҚР жекпе-жек федерациясының президенті
- Біз ақ найзаның ұшымен, ақ білектің күшімен осынау ұлан-байтақ даламызды, өзен-көл, ну орман, асқар тауларымызды ұрпақтарына аманат етіп кеткен батыр бабаларымыздың өр рухына әрқашан тағзым етуге тиіспіз. Ар-намысты ту еткен хас батырларымыз қан майданда дүлей дұшпанмен жекпе-жекке шығып, ел мен жердің тұтастығын қорғап қалды. Сондықтан, Абылай ханның ақ туын абыроймен көтерген, көрнекті қолбасшы Жауғаш батыр Қырбасұлы бабамыздың рухына бағышталған турнирдің басты мақсаты – өскелең ұрпақты отансүйгіштікке, ержүректілікке, намысқойлыққа баулу, ұлттық жекпе-жегіміздің мәртебесін көтеру. Қазіргі дүрбелең заманда ұлт мүддесі үшін күресетін ақылына көркі, білегіне жүрегі сай сайдың тасындай іріктелген өр рухты азаматтарды тәрбиелеу.
Нұрбол Мамырбаев, ҚР жекпе-жек федерациясының вице-президенті
- Мен өзім Жауғаш батырдың тікелей ұрпағымын. Ұлт азаттығы үшін жан аямай күресіп, бар саналы ғұмырын сарп еткен бабамыздың тұңғыш турнирі жоғары деңгейде өтті деп ойлаймын. Еліміздің әр қиырынан келген спортшылар жеңіс үшін аянып қалған жоқ. Айқас алаңында төккен терлері ақталып, қомақты сыйақыларға ие болды. Турнирдің өтуіне қолдау көрсетіп, демеушілік жасаған азаматтарға үлкен алғысымды білдіремін. Алла разы болсын! Бабамыздың әруағы бір аунап түскен шығар... Бұйыртса, келесі жылы бұл турнирдің ауқымын халықаралық деңгейге көтеруді ойластырудамыз.

Автор
Последние статьи автора
Кадрлық резерв. Ол қай жағдайда компанияны құтқарады, ал қашан қызметкерлерге теріс ықпал етеді?
Кадрлық резерв. Ол қай жағдайда компанияны құтқарады, ал қашан қызметкерлерге теріс ықпал етеді?
Қайтыс болған адамның заттарын сақтауға бола ма?
Қайтыс болған адамның заттарын сақтауға бола ма?
Цифра
50
50 км/ч – именно с такой средней скоростью промчался вчера по афинской трассе Вячеслав Екимов

50 км/ч – именно с такой средней скоростью промчался вчера по афинской трассе Вячеслав Екимов, чтобы завоевать серебро в велогонке с раздельным стартом.
1900
Году

Бокс был узаконен как вид спорта
2,5
ГРАММА

Масса мячика для игры в настольный теннис
5
Олимпийских колец

символизируют единство пяти континентов, хотя ни одно из них не является символом какого-то конкретного континента. Цвета колец — синий, красный, желтый, зеленый, черный, — были выбраны, как наиболее часто встречающиеся на флагах государств мира.
130
км/час

С такой скоростью летит мяч, после удара профессионального волейболиста