«Қаһарман ұрпақ» қоғамдық қоры оқыту тренингін өткізді
Жақында «Қаһарман ұрпақ» қоғамдық қоры «Қазақстанның Әскери-патриоттық мұрасы» жобасы бойынша ҮЕҰ «Азаматтық бастамаларды қолдау орталығы» мен Қазақстан Республикасының Дін істері және азаматтық қоғам министрлігінің қолдауымен Солтүстік Қазақстан облысы Петропавл қаласында оқыту тренингі өткізді.
Бұл іс-шара ҚР ардагерлер қозғалысының көшбасшыларына, Ауған соғысы және жергілікті қақтығыс қатысушыларына, жастар ұйымына, әскери қызметкерлер мен мемлекеттік органдардың өкілдеріне арналды.
Семинар барысында кәсіби коуч-жаттықтырушылары топ қалыптастыру мәселесімен, ҮЕҰ-ның бәсекеге қабілеттілігіне байланысты сұрақтармен таныстырды.
Тренингке қатысушылар ақпарат саласындағы ұйымдастыруды және қазіргі Қазақстанның әскери-патриоттық көзқарастарын қалыптастырудағы көшбасшылық жөнінде тәжірибе жинақтады.
