«Жас Отан» шақырады

16 наурыз 2010, 08:46

«Нұр Отан» халықтық-демократиялық партиясы «Жас Отан» Жастар қанаты «Заңғар» шығармашылық бірлестігі мен Әл-Фараби www.alashainasy.kz/wp-includes/js/tinymce/plugins/wordpress/img/trans.gif" />атындағы Қазақ ұлттық университетінің Студенттер сенаты бірлесе отырып, «Жақыныңа жәрдемдес!» атты акцияны қолға алып отыр. Аталған акцияның мақсаты – Алматы облысы  Ақсу ауданының Қызылағаш, Егінсу, Қолтабан ауылдарындағы табиғаттың тылсым күштерінің зардабын шегіп отырған тұрғындарға көмек қолын көрсету.

Құрметті ұстаздар, кәсіпкерлер, жастар және көкіpeгi ояу азаматтар!

Сіздер өздеріңіздің тараптарыңыздан аталмыш ауылдарда зардап шеккен халыққа киім-кешек, аяқкиім, азық-түлік, медициналық құрал-жабдықтар (дәрі-дәрмек) секілді қажетті тұрмыстық заттармен қамтамасыз етсеңіздер.
Қазақ елі – ғасырлар бойы қаншама қиын-қыстау кезеңдерді басынан кешірсе де, халқының басына түскен қайғысына ортақтасатын халық! Осындай жағдайда біз көмек жылуын бере отырып, еліміздің бірлігі мен ынтымағын нығайта аламыз!
Алматыдан жиналған заттарды 18 наурыз күні арнайы көлікпен Талдықорғанға жеткізетіндігін құлағдар етеміз.

Жақыныңызға жәрдем беруден қалыс қалмаңыз!

Біздің мекенжайымыз:
Алматы қалалық Оқушылар сарайы, Достық даңғылы, 124-үй, 154-кабинет (Сәтбаев көшесінің қиылысы)

Байланыс телефондары: ж.т: 2 64 25 94