– 28 °C: Алдағы үш күнге арналған ауа райы болжамы

19 желтоқсан 2022, 16:22

Қазгидромет 20-22 желтоқсанға арналған ауа райы болжамын жариялады, - деп хабарлайды Alashainasy.kz тілшісі "ҚазАқпарат"-қа сілтеме жасап.

Таяудағы үш тәулікте Қазақстанның басым бөлігінде ауа райының тұрақсыз сипаты сақталады.

 

Атап айтқанда қар жауып, бұрқасын соғады, желдің қарқыны - 15-20, екпіні 23-28 м/с жетеді.

 

Еліміздің батысында, оңтүстігінде, оңтүстік-шығысында көктайғақ болады.

 

Суық арктикалық ауа массаларының әсерінен республиканың бүкіл аумағында ауа температурасы төмендейді.

 

Елдің солтүстік-батыс, солтүстік, орталығында 15-28 градус аяз болады.