Ел жаңалықтары

"Stop Covid": Елорда жастары тұрғындарды вакцина алуға шақырды

  • "Stop Covid": Елорда жастары тұрғындарды вакцина алуға шақырды

Әлемге зиянын тигізіп отырған COVID-19 індетін жеңудің ең тиімді жолы — вакцинация арқылы ұжымдық иммунитетті дамыту. Ал ұжымдық иммунитеттің үлесі 60%-дан асуы керек.

Елордадағы "Абу-Даби Плаза" сауда ойын-сауық орталығында "Stop Covid" акциясы аясында студенттер вакцина алды, деп хабарлайды елорда әкімдігінің ресми сайты.

 
"Бүгін "Stop Covid" акциясы өтіп жатыр. Ел болып коронавирус инфекциясына қарсы тұру үшін жақсы иммунитет болу керек. Оны қалыптастырудың бірден-бір жолы – вакцина. Осы орайда бізге қолдау білдіріп отырған 15 ЖОО бар. Бәріміз білетіндей, қыркүйек айында оқу оффлайн форматта басталады. Ал ЖОО талаптарына сәйкес студенттер оффлайн форматта оқуы үшін вакцина алуы қажет. Вакцина алу мен алмау адамның өз шешімі. Оған ешкімді міндеттемейді. Сондықтан вакцина алам деушілер үшін қаланың бірқатар сауда ойын-сауық орталығында, емханаларда т.б. жекелеген орындарда тегін түрде жүргізіліп жатыр", — деді Нұр-Сұлтан қаласының Жастар саясаты мәселелері басқармасының бөлім басшысы Ақұлан Тастемір.

Елордада аталған акция апта соңына дейін жалғасады. Жалпы алғанда елордада 51 мыңға жуық студент бар. Бүгінгі акция бойынша түрлі ЖОО-дан 70-ке жуық студент келіп "Спутник-V" вакцинасын алды.

"Мен Қазақ технология және бизнес университетінің студентімін. Бүгін "Абу-Даби Плаза" ойын-сауық орталығына вакцина алуға келдім. Бұл менің өз шешімім. Еліміздің барлық студентін вакцина алуға шақырамын. Себебі карантинге дейінгі қалыпты өмірге оралуымыз қажет деп ойлаймын. Кинозалдар, ойын-сауық орталықтары мен театр сияқты орындар ыңғайлы қалыпқа келіп, бетпердесіз жүретін күндер туады деген сенемін", — деді ҚазТБУ университетінің 3-курс студенті Данияр Бекетов.

Айта кетейік, алдағы уақытта "Stop Covid" акциясы өзге қаладағы студенттерге эстафета ретінде жолданады.




Көрілген: 491    Пікірлер: 0

жұма, 30.07.2021, 13:09

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30