АҚШ тұрғыны лотереядан 500 мың доллар ұтып алды

16 қазан 2021, 22:01

48 жастағы Джинеси округінің тұрғыны Гранд-Блан қаласындағы жанармай бекетінде тоқтап, желі шыққан көлік дөңгелегін реттемек болған. Дөңгелекке жел беретін автоматқа салатын ұсақ ақша табылмады. Сондықтан бекеттегі дүкенге кіруге тура келді, деп хабарлайды Алматы арнасы.

Дүкенде ер адам екі лотерея билетін сатып алды.

«Көлігіме кіріп лотереядағы жолақты өшірдім. Үш бірдей символ мен сыйлық сомасын көрдім. Байып кеткенімді түсіндім. Әкеммен бірге бірнеше жыл бойы лотерея ойнаймыз. Бір күні джекпот ұтамыз дейтін едік. Сол кезде ойнауды тоқтатамыз деп жоспарладық», – деді байып кеткен америкалық.