Ел жаңалықтары

Алматы облысындағы төбелестен кейін 70 Қытай азаматы елден шығарылды

  • Алматы облысындағы төбелестен кейін 70 Қытай азаматы елден шығарылды

    Алматы облысындағы төбелестен кейін 70 Қытай азаматы елден шығарылды

Citic Construction кәсіпорнында заңсыз жұмыс істейтін шетелдік азаматтар тексерістен кейін депортацияланды, деп хабарлады Алматы облыстық сотының баспасөз қызметі.


Талдықорған мамандандырылған әкімшілік соты, сондай-ақ Ақсу аудандық соты Әкімшілік құқық бұзушылық туралы кодекстің 517-бабының 2-бөлігі (Шетелдіктердің немесе азаматтығы жоқ адамдардың халықтың көші-қоны туралы заңнаманы бұзуы) бойынша 70 Қытай азаматына қатысты қозғалған әкімшілік істі қарады.


Ведомствоның хабарлауынша, 9 қазандағы сот шешімдерімен ҚХР-ның барлық 70 азаматы кінәлі деп танылып, оларға елден шығару түрінде әкімшілік жаза қолданылды.


Сот актілері күшіне енді, шет мемлекеттің азаматтары Қазақстан аумағынан шығарылды.


Алматы облысындағы төбелес

Қазан айының басында Талдықорған маңында жол құрылысымен айналысатын кәсіпорында шетелдік жұмысшылар мен жергілікті тұрғындар арасында жанжал шыққан. Citic Construction кәсіпорнының бір топ жұмысшысы видеоүндеу жазған. Онда ҚХР-ның үш азаматы жүргізуші – этникалық қазақты соққыға жыққаны айтылады.


Полицияның мәліметінше, жанжал төрт жұмысшы – Қытай азаматтары арасында болып, соңы төбелеске ұласқан. Төбелес салдарынан олардың бірі – этникалық қазақ жарақат алған. Кінәлілер Әкімшілік құқық бұзушылық туралы кодексінің 73-1 бабы бойынша (Денсаулыққа қасақана жеңіл зиян келтіру) әкімшілік жауапкершілікке тартылды.


Екінші күні бір топ жергілікті тұрғын жанжалдың мәнін түсінбей, кәсіпорын аумағында болған бірнеше шетелдік жұмысшыны ұрып-соққан. Салдарынан төрт Қытай азаматы жарақат алып, ауруханаға жеткізілді.


Жаппай төбелестен кейін құқық қорғау органдары тексеріс жүргізіп, заңсыз жұмыс істейтін 70 шетелдік жұмысшыны анықтады.


sputniknews.kz




Көрілген: 729    Пікірлер: 0

бейсенбі, 24.10.2019, 22:17

Достарыңмен бөліс:

2
  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2019
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    желтоқсан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1
    2 3 4 5 6 7 8
    9 10 11 12 13 14 15
    16 17 18 19 20 21 22
    23 24 25 26 27 28 29
    30 31