Алматыда Абай көшесіндегі ағаштар көшірілетін болды

27 қазан 2020, 12:33

Алматы қалалық Жасыл экономика басқармасында өткен көшпелі жиын барысында Абай көшесінің Достық пен Байтұрсынұлы көшелері аралығындағы ағаштардың жай күйі талқыланды, деп хабарлайды ҚазАқпарат тілшісі.

Мамандардың айтуынша, бұл жерде 306 ағаш өсіп тұр.

Қылқанжапырақты ағаштар саны &ndash 254.

Жапырақты ағаштар саны &ndash 26.

Жеміс ағаштары саны &ndash 24.

Сарапшылар олардың көпшілігінің жағдайы нашар екенін анықтады.

Ағаштар қурап кеткен. Комиссия кеуіп кеткен ағаштарды кесуге рұқсат берді.

306 ағаштан 47 ағаш кесіледі. Оның ішінде 23 ағаш 27 қазаннан бастап басқа жерге көшіріледі.

«Бұл учаскеде ең алдымен апаттық жағдайдың алды алынады. Ағаштар қурап тұрғандықтан құлап қалуы мүмкін. Сондай-ақ, Абай даңғылының эстетикалық көркемдігін арттыру үшін осы араның жасыл желегін жаңарту керек», - деді басқарма басшысының орынбасары Ұлан Абдулдаев.