Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Алматыда рұқсатсыз салынған «Qadam» тұрғын үй кешені сот шешімімен бұзылатын болды

29 шілде 2022, 13:46

Алматыда кезекті заңсыз салынған тұрғын үй кешені бұзылады. Сот Наурызбай ауданындағы «Qadam»  тұрғын үй кешенін сүру туралы шешім шығарды, деп хабарлайды Azattyq Ruhy.

 
«Бұған дейін Алматы қаласының қала құрылысын бақылау басқармасы нысанды тексеріп, сәулет, қала құрылысы және құрылыс қызметі саласында бірқатар заң бұзушылықтарды анықтады. 4 қабатты көппәтерлі тұрғын үйдің құрылысы рұқсат құжаттарынсыз басталған. Тексеру нәтижелері бойынша «Qadam ТК» ЖШС-ға қатысты әкімшілік хаттамалар толтырылып, кейіннен заңсыз салынып жатқан нысанды бұзу туралы талап арыз жазылды», - деп мәлімдеді Қала құрылысын бақылау басқармасы.
Нәтижесінде сот шешімімен заңсыз салынған нысанды бұзу туралы талап қанағаттандырылды.

Айта кетейік, жылжымайтын мүлікті сатып алудан бұрын тұрғындар салынып жатқан үй туралы ақпаратты тексеріп, мына жедел желі арқылы құжаттар пакетінің түгелдігін анықтай алады: +7 (727) 229-81-36.

Ескеретін жайт, «Qadam»  тұрғын үй кешенінің пәтерлері әлеуметтік желілер арқылы жарнамаланып, шаршы метрі 320 мың теңгеден саудаланып жатыр.