Жұлдыз
Радиосы
Арыстағы оқушылардың төбелесі: Мәдениет үйінің директорына айыппұл салынды
-
Арыстағы оқушылардың төбелесі: Мәдениет үйінің директорына айыппұл салынды
Оқушылардың жаппай төбелесі болған арыс мәдениет үйінің директорына айыппұл салынды. Бұл туралы санитарлық-эпидемиологиялық бақылау комитетінің ресми өкілі Ержан Байтанаев мәлімдеді, деп хабарлайды Stan.kz ақпарат агенттігі.
"2021 жылдың 22 ақпанында Түркістан облысы Арыс қаласының № 4 мектебінің 11 сынып оқушылары арасында жаппай іс-шара - "Жас сарбаз-2021" әскери дайындық бойынша мектепаралық конкурс өткізу фактісі анықталды. Іс-шара Арыс қалалық мәдениет үйінде өтті.
Жарысты ұйымдастырушылар Арыс қалалық санитарлық-эпидемиологиялық бақылау басқармасына іс-шара туралы хабарламады және келіспеді", - деді комитетте.
Ведомство мәліметінше, карантин режимін бұзғаны үшін мәдениет үйінің директорларына айыппұл салынды.
"Оған 230 АЕК (670 910 теңге) айыппұл салынды", - деп толықтырды ведомствоның ресми өкілі.
Бұған дейін әлеуметтік желілерде жергілікті мәдениет үйінде болған оқушылар арасындағы төбелестің видеосы тараған еді. Қазылар алқасының шешіміне наразы жасөспірімдер сахна алдында бір-біріне жұдырық ала жүгірген.
