Ел жаңалықтары

Аштықтан жан сауғалаған ақбөкендер тыным бермей жатыр: Ақмола облысында диқандар билікке жанайқайын айтты

  • Аштықтан жан сауғалаған ақбөкендер тыным бермей жатыр: Ақмола облысында диқандар билікке жанайқайын айтты

    Аштықтан жан сауғалаған ақбөкендер тыным бермей жатыр: Ақмола облысында диқандар билікке жанайқайын айтты

Қостанай мен Ақмола облыстарының диқандарына аштықтан жан сауғалаған ақбөкендер тыным бермей жатыр. Қуаңшылықтан шөп таппаған киіктер мекендейтін орындарын тастап, мыңдаған гектар егіс алқабын тып-типыл еткен. Онсыз да шаш етектен шығынға батқан диқандар, енді киелі жануарға қандай шара қолданатындарын білмей дал, деп хабарлайды Stan.kz ақпарат агенттігі 31 арнаға сілтеме жасап.
Шаруалар аштықтан бұратылған ақбөкендердің мәселесін биліктегілер шешсе дейді. Ақмола облысында ақбөкендер алты ауданның 130 мың гектар егін алқабын таптап, диқаншыларға орасан шығын келтірген.

 
Өкініштісі сол, диқандардың жанайқайы Үкімет пен Министрлікке әлі күнге жетпей отыр. Аймақта 5 миллион гектар жерге егін егілген. Алайда бір ай жаңбыр тимеген егін бітік шықпапты. Оның үстіне ақбөкендер де жайылып, егістікті таптап өткен.

Диқандардың айтуынша, мұндай жағдай осымен үшінші жыл қатарынан қайталанып отыр. Киіктер де аз емес. Бір сәтте 20-30 мыңы келіп, жапырып өте шығады екен.

Азық таппаған ақбөкендерден шаршаған шаруалар егістікті торуылдап, ұжыммен кезекшілік жасап күзетуден басқа амалдары қалмай отыр.

“Атбасарда 50 мың гектарды ақбөкен таптап жаншып өтті. Жарқайың, Қорғалжын, Егіндікөл осы аудандарға бәріне 130 мың гектарды ақбөкендер басып кетті. Осы мәселе бойынша былтыр да ауыл шаруашылығы Минстрлігіне хат жолдағанбыз. Биыл премьер-министрге де хат жолдадық. Биыл да бізге ешқандай шешім келген жоқ”, – дейді Ақмола облыстық Ауыл шаруашылығы басқармасы басшысының міндетін атқарушы Еркеш Әленов. 




Көрілген: 2988    Пікірлер: 0

сейсенбі, 20.07.2021, 13:16

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30