Ел жаңалықтары

"Бақытты отбасымен" қалай баспана алуға болады? Нақты 9 қадам

  • "Бақытты отбасымен" қалай баспана алуға болады? Нақты 9 қадам

Бағдарлама бойынша несиенің шекті мөлшері: Нұр-Сұлтан, Алматы және Шымкентте &ndash 15 млн теңге, өзге өңірлерде &ndash 10 млн теңгеге дейін.
Тұрғын үй құрылыс жинақ банкінің "Бақытты отбасы" бағдарламасымен әкімдік кезегінде тұрған жандар ғана ипотека рәсімдей алады. Олар:

  • Көпбалалы отбасылар;
  • Толық емес отбасылар;
  • Мүмкіндігі шектеулі баласы бар отбасылар.

Бағдарлама арқылы несие 2 пайызбен беріледі. Бастапқы жарна ретінде үй бағасының 10 пайызын толтыру және отбасының табыс көзін растау міндетті. Сондай-ақ, отбасылардың атында басқа үй болмауы шарт.

  • Қарызды өтеу мерзімі &ndash 20 жыл;
  • Соңғы 6 ай ішінде отбасының әр мүшесінің айлық табысы 2 күнкөріс деңгейінен артық болмауы керек (2020 жылы &ndash 62 366 теңге).

Аталған бағдарлама арқылы баспаналы болу үшін келесі 9 қадамды жасау керек:

№1. Жолдама алу
Бағдарламаға қатысу үшін баспана кезегінде тұрғаныңыз және әлеуметтік осал топқа жататыныңыз туралы жолдама алу керек. Биыл карантинге байланысты жолдамаға өтініш онлайн қабылданды.

№2. Төлем қабілетін тексеру
Жолдамамен Тұрғын үй құрылысы жинақ банкіне барасыз. Банк төлем қабілетіңізді тексереді. Өтінім берушінің, отбасы мүшелерінің табысы есептеліп, бар болса &ndash кредит төлемдері ескеріле отырып, несие мақұлданады не берілмейтіні туралы шешім шығады.

Отбасының табысына ерекше бала күтіміне берілетін жәрдемақыны да қосуға болады. Ол үшін ХҚКО-дан және жәрдемақы түсетін банктен соңғы 6 айдағы анықтама алып өткізу керек.

 
№3. Үй не пәтер іздеу
Несие алдын ала мақұлданған соң өзіңіз сатып алатын үй не пәтер іздейсіз. Бұған 6 ай уақыт беріледі.

№4. Үй не пәтерді бағалату
Тапқан баспананы банк аккредитациясынан өткен тәуелсіз бағалаушыларға бағалатасыз.

Мысал: үйді сатушы 15 миллион теңгеге сатпақ. Бағалаушы оны 14 млн теңгеге бағаласа, банк те сізге несиені осы көлемде береді. Ал сатушы 14 млн теңгеге сатуға келіспесе, баға айырмасын өзіңіз төлейсіз немесе басқасын іздейсіз.

№5. Сату-сатып алу келісімшартын жасау
Сатушымен келіскен соң, сату-сатып алу келісімшартын жасайсыз. Ол құжатты банк филиалындағы нотариуста немесе басқа кез келген нотариуста рәсімдеуге болады.

№6. Келісімшартты тіркеу
Келісім-шартты ХҚКО арқылы әділет органында тіркеуге өткізесіз (5-6 қадамдар бірер күннен бастап бір аптаға дейін созылуы мүмкін).

№7. Банкпен келісімшарт жасау
Келісімшарт әділет органында тіркелген соң банкпен жылжымайтын мүлікті кепілге алу келісімшартын жасайсыз.

№8. Алғашқы жарна
Бағдарлама шарты бойынша пәтер құнының кемінде 10 пайызы көлемінде алғашқы жарна құю қажет. Өтініш беруші жарна ретінде Тұрғын үй құрылысы жинақ банкінде жинаған қаржысын пайдалана алады.

Егер мұндай есепшот болмаса, жаңадан ашып, қаржыны бірден құюға да болады.

Ескерту: жергілікті әкімдік тарапынан пәтер құнының алғашқы жарнасын өтеу мақсатында әлеуметтік әлсіз топтарға қолдау ретінде 1 миллион теңгелік тұрғын үй сертификаттарын беру қарастырылған. Оны алудың да өз шарттары бар.

№9. Үй сатушыға қаржы аудару
Сонымен, несие мақұлданды. Төлем графигіне қол қойылған соң сізге берілген несие үй сатушының есепшотына аударылады.

Сату-сатып алу келісімшарты жасалғаннан бастап ақша сатушының қолына жеткенше бір аптаға дейін уақыт өтуі мүмкін. Жылжымайтын мүлікті банк арқылы рәсімдеудің бір ерекшелігі &ndash осы.

Сатушыға осы шартты алдын ала ескертіп, хабарлауыңыз керек.

informburo.kz 




Көрілген: 477    Пікірлер: 0

сәрсенбі, 30.09.2020, 02:18

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31