Бекшиннің қызметін кім атқаратыны белгілі болды

24 желтоқсан 2021, 17:27

Алматы қаласының бас санитария дәрігері Жандарбек Бекшин еңбек демалысына шыққанда оның қызметі Қарлығаш Әбдіжаббароваға жүктеледі. Бұл туралы департаменттің баспасөз қызметі хабарлады, - деп хабарлайды Tengrinews.kz тілшісі.

 

"Санитарлық-эпидемиологиялық бақылау комитеті бұйрығы бойынша, Бекшин Жандарбек Мұхтарұлы 27 желтоқсаннан 4 қаңтар аралығында еңбек демалысында болған кезде оның қызметтік міндетін орындау Қарлығаш Әбдіжаббароваға жүктелді", - делінген хабарламада.

 

Бұған дейін Алматы қаласының Санитариялық-эпидемиологиялық бақылау департаменті басшысы - Алматы қаласының бас мемлекеттік санитария дәрігері Жандарбек Бекшин қызметінен кететіні белгілі болған еді.