Белгілі саясаттанушы Расул Жұмалы Қазақстанның Ливандағы елшісі болып тағайындалды

13 маусым 2022, 15:19

Белгілі саясаттанушы Расул Жұмалы Қазақстанның Ливан Республикасындағы елшісі болып тағайындалды, деп хабарлайды Stan.kz ақпарат агенттігі. 

“Мемлекет басшысының Жарлығымен Расул Берекетұлы Жұмалы Қазақстан Республикасының Ливан Республикасындағы Төтенше және Өкілетті Елшісі лауазымына тағайындалды”, – делінген Жарлықта. 

Бұдан бөлек, президенттің бұйрығымен Нұрлан Онжанов Қазақстанның Германия федеративтік республикасындағы төтенше және өкілетті елшісі болып тағайындалды. 

Расул Берекетұлы Жұмалы 1971 жылы 15 ақпанда Алматы қаласында дүниеге келген.

Әл-Фараби атындағы Қазақ Мемлекеттік университетінің Шығыстану факультетін бітірген.

1992-2007 жылдар аралығында мемлекеттік қызметте: Қазақстан Республикасының Сыртқы істер министрлігінде және Үкіметінде, сондай-ақ Мысыр, Біріккен Араб Әмірліктері, Израиль, Ливия, бірқатар басқа мемлекеттерде жұмыс атқарған.

2007 жылдан бері "Эксклюзив" журналының бас редакторы. Саясаттанушы. 150-ге тарта мақалалары мен сараптамалық еңбектері жарық көрді. "Геополитика Центральной Азии. О былом и насущном" атты кітаптың авторы.