БҚО-да мемлекеттік бағдарламаға бөлінген бюджет ақшасын ұрлаған кәсіпорын директоры ұсталды

18 қараша 2020, 11:10

Қаржы мониторинг комитетінің БҚО бойынша Экономикалық тергеу департаменті қызметкерлері ҚР Қылмыстық кодексінің 189-бабы, 4-бөлігі, 2-тармағы, 245-бабы, 3-бөлігінде көзделген қылмыстық құқықбұзушылық жасады деген күдікпен өңірдегі кәсіпорын директорларының бірін ұстады.

Ол мемлекеттік сатып алуға қатысушы ретінде «Нұрлы жер» мемлекеттік бағдарламасы аясында тұрғын үй құрылысына бөлінген 143 миллион теңгеден астам сомада бюджет қаражатын ұрлады деген күдікке ілінді. Одан бөлек, күдікті 2017-2018 жылдары 1,5 миллиард теңгеден астам салық төлеуден жалтарған.

Тергеу шаралары жалғасып жатыр.