БҚО: сары май мен құрт-ірімшікті поштамен тегін жөнелту жобасы іске қосылды

17 қазан 2021, 12:23

Ауыл шаруашылығы өнімдерін поштамен тегін жіберуге болады. Батыс Қазақстан облысында осындай пилоттық жоба жүзеге асып жатыр. Мал бағып күнелтіп отырған тұрғындар ет пен сүт өнімдерін қалаға немесе өзге елді мекендерге оңай сата алады.

Жергілікті билік жаңа жоба арқылы жұмыссыз отбасыларға қолдау көрсетуді көздеген. Әзірге тегін қызмет түрін Тасқала мен Бәйтерек аудандарының шаруалары пайдаланып отыр. Әкімдік енді бұл бағытта бюджеттен қаражат қарастыруды жоспарлап отыр.

Жадыра Владимирова, Амангелді ауылының тұрғыны: - Ауылшаруашылық тағамдарын біз жылма-жыл беріп жіберетін едік таксилер арқылы. Бірақ соңғы екі айдың ішінде термобокс туралы естігесін, сол термобокс арқылы поштаға барып, біз салып жібереміз. Мысалы, мына майды тоңазытқышқа салып, оны қатырып қоямыз ғой, ол сол күйінде жазғы мезгілде белгілі мекен-жайға 24 сағаттың ішінде апарады.

24.kz