Ел жаңалықтары

Блогер Ермек Тайшыбеков ұсталды

  • Блогер Ермек Тайшыбеков ұсталды

    Блогер Ермек Тайшыбеков ұсталды

23 қыркүйекте Алматыда 42 жастағы блогер Ермек Тайшыбеков ұсталды. Тайшыбеков - Қазақстанның Ресей құрамына кіруі қажеттігін және орыстілді халықтың дискриминацияға ұшырайтыны туралы пікір айтып, танылған блогер, деп хабарлайды centralasian.org.

Оның ұсталғаны туралы ақпаратты Азаттық тілшісі ең бірінші Алматы қалалық сотының бұрынғы судьясы Күлпаш Өтемісованың Facebook-тағы парақшасынан білді.

"2020 жылы 23 қыркүйекте Қазақстанда танымал құқық қорғаушы Ермек Тайшыбеков қамауға алынды. Ұстау кезінде оның компьютері мен мобильді телефоны тәркіленген" делінген жазбада.
Алматы қалалық полиция департаменті 42 жастағы Ермек Тайшыбековтің ұсталғанын растады.

"Тайшыбеков Қылмыстық кодекстің 174-бап ("Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру") белгілеріне келетін қылмыс жасады деген күдікпен 23 қыркүйекте ұсталған, сол күні кешкі сағат 21.25-те уақытша қамау изоляторына қамалды" деді аты-жөнін атағысы келмеген полиция қызметкері Азаттық тілшісіне.

Ермек Тайшыбековтің бауыры Марлен Тайшыбековтің сөзіне қарағанда, 23 қыркүйекте Ермек полицейдің телефонынан хабарласып, өзін ұстағанын айтқан. Бұған Youtube-те жарияланған Қазақстан билігінің ұлттық саясатын сынаған сұхбаты түрткі болуы мүмкін екенін де жеткізген. Марлен Тайшебеков 24 қыркүйекте уақытша қамау изоляторының қабылдау пункті арқылы азық-түлік пен жылы киім бере алғанын айтты.

Ресейшіл көзқарастарымен белгілі болған блогер Ермек Тайшыбеков 2015 жылы желтоқсан айында "ұлттық араздықты қоздырды" деп айыпталып, төрт жылға бас бостандығынан айырылған. Ол кезде Тайшыбековтің үстінен өздерін ұлт-патриоттары деп атайтын белсенділердің өтініші негізінде қылмыстық іс қозғалған.

2016 жылы қаңтар айында Еуропадағы қауіпсіздік және ынтымақтастық ұйымының өкілі Тайшыбековке шығарылған үкімді сынаған.

Тайшыбеков 2017 жылы қазан айында түрмеден мерзімінен бұрын босап шыққан.




Көрілген: 419    Пікірлер: 0

жұма, 25.09.2020, 11:19

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2020
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    қазан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31