Дарын Тұяқов Қорғаныс министрінің орынбасары қызметінен босатылды

20 қаңтар 2022, 16:07

ҚР президенті Қасым-Жомарт Тоқаевтың өкімімен Дарын Шылбынұлы Тұяқов Қазақстан Республикасы Қорғаныс министрінің орынбасары лауазымынан босатылды, деп хабарлайды Stan.kz ақпарат агенттігі. Бұл туралы Aқорда сайтында жазылды.

“Мемлекет басшысының өкімімен Дарын Шылбынұлы Тұяқов Қазақстан Республикасы Қорғаныс министрінің орынбасары лауазымынан босатылды”, – делінген ресми мәлімдемеде.

Айта кетейік, 19 қаңтарда Мемлекет басшысының жарлығымен Мұрат Бектанов Қорғаныс министрі қызметінен босатылған еді. Жаңа министр болып бұған дейін Ішкі істер министрінің орынбасары – Ұлттық ұланның бас қолбасшысы қызметін атқарған Руслан Жақсылықов тағайындалды.