Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Енді елімізде кәмелетке толмаған балалар ата-анасының рұқсатынсыз Instagram, Facebook, WhatsApp желілеріне тіркеле алмайды

24 мамыр 2023, 13:30

Енді Қазақстанда кәмелетке толмаған балалар ата-аналарының рұқсатынсыз Instagram, Facebook, WhatsApp, ВКонтакте платформаларына тіркеле алмайды. Құжат жобасы Ашық НҚА порталында жарияланды. Бұл туралы Stan.kz ақпарат агенттігі хабарлайды. 

Бұл жоба еліміздегі балалар арасындағы суицидтің алдын алу мақсатында қолға алынбақ.  Балаларды зорлық-зомбылықтан қорғау, суицидтің алдын алу, олардың құқықтары мен әл-ауқатын қамтамасыз ету жөніндегі 2023-2025 жылдарға арналған "Бала қорғау" кешенді жоспарынан белгілі болды.

Мұнда Instagram, Facebook, WhatsApp, ВКонтакте платформаларында кәмелетке толмағандарды заңды өкілдердің рұқсатынсыз тіркеуді шектеу жөнінде шаралар қабылдау 2025 жылғы 1 тоқсанға жоспарланғаны жазылған. Бұл бастамаға Цифрлық даму, инновациялар және аэроғарыш өнеркәсібі, Ақпарат және қоғамдық даму, Оқу-ағарту министрліктері жауапты болады.

"Бала қорғау" кешенді жоспарындағы мәліметке сәйкес, елімізде жасөспірімдер арасында қылмыстық жағдай күрделене түскен. 2021 жылы 1529 қылмыс тіркелсе, 2022 жылы оолардың саны 12 пайызға артып, 1735-ке жеткен. Мұндай құқық бұзушылықтар, әсіресе, Алматы қаласы, Батыс Қазақстан, Павлодар, Маңғыстау облыстарында жиі тіркеледі.

Құжат жобасы 6 маусымға дейін жария талқылауда болады.

Stan.kz