Германияда бір тәулікте 11 287 жаңа COVID-19 оқиғасы анықталды

23 қазан 2020, 12:38

Германияда бір тәулікте COVID-19 вирусын жұқтырудың 11 287 жағдайы тіркелді. Науқастар тізімінде елдің Денсаулық сақтау министрі де бар.

Роберт Кох институтының басшысы Лотар Вилер елдегі жағдайды өте күрделі деп бағалады және отандастарын сақтық шараларын қатаң сақтауға шақырды.

Вилер аурудың осындай күрт өсуі тұрғындардың бір-біріне қонаққа баруын доғармауынан деп атап өтті.

Берлиннің ең көп жүретін көшелерінде маска кию міндеттелді.

Шаңғы маусымы жақындаған кезде билік бейсенбі күні азаматтарды Австрия, Италия және Швейцария курорттарына бармауға шақырды. Шетелге кететіндер қайтып оралғаннан кейін міндетті 10 күндік карантиннен өтуі керек.