Жаңбыр жауып, аяз күтіледі: Синоптиктер алдағы күндерге арналған ауа райы болжамын жариялады

09 наурыз 2022, 13:12

"Қазгидромет" алдағы күндерге арналған ауа райы болжамын жариялады. Мамандар еліміздің көп аймақтарында аяз болып, жаңбыр жауатынын мәлімдеді, деп хабарлайды Stan.kz ақпарат агенттігі.

Қазақстан аумағының солтүстік жартысында жауын-шашынсыз болғанымен, ауа температурасы өте төмен болады. Түнде бұл аймақтардағы термометр бағандары 17-28 градусқа дейін төмендейді. 

Республиканың батыс аймақтарында көбінесе қар жауып, боран соғады деп болжанды. Ал оңтүстікте негізінен жаңбыр, ал таулы, тау бөктеріндегі аудандарда қатты жауын-шашын, тұман, көктайғақ болады. 

Сондай-ақ Қазақстанның көп бөлігінде жел соғып, 23-28 м/с екпінге дейін күшейеді.