Құрметті оқырмандар назарына! «Алаш айнасы» желілік-басылымы Ақпарат комитетінің 2023 жылғы 01 қарашадағы № 15 бұйрығы негізінде 2023 жылғы 30 қазаннан бастап бұқаралық ақпарат құралы ретінде өз қызметін тоқтатты.

К сведению уважаемых читателей! Сетевое издание «Алаш айнасы» на основании Приказа Комитета информации № 15 от «01» ноября 2023 года прекратил свою деятельность в качестве средства массовой информации с 30 октября 2023 года.

Жетісайлық өгей ана үй қамауына алынды

24 сәуір 2019, 15:34

Жетісайлық өгей ана тергеу изоляторынан үй қамауына ауыстырылды, - деп хабарлайды Tengrinews.kz тілшісі Түркістан облысы Жетісай аудандық сотының кеңсесіне сілтеме жасап. "Жетісай аудандық соты тергеу барысында үй қамауына алу туралы үкім шығарды.

Ол ҚР Қылмыстық кодексінің 110-бабы, 2-бөлімінің 1 мен 2-тармақтары ("Қинау") және140-бабының 2-бөлімі ("Кәмелетке толмаған адамды тәрбиелеу жөнiндегi мiндеттердi орындамау") бойынша қылмыс жасады деген айып тағылды", - деді сотта. Өгей анадан зардап шеккен үш қыздың әкесі оның ортақ үйге оралмағанын айтты. "Ол жүктіліктің жетінші-сегізінші айында. Баланы босануы үшін жіберген болар. Маған келмеді. Өз туыстарына кеткен шығар. Бірақ онымен сөйлескім, тіпті, көргім келмейді. Қыздарым қазір бейімдеу орталығында. Ортақ ұлымыз бар. Қазір оның қайда екенін білмеймін. Оны іздеп жатырмын", - деді ер адам. Айта кетейік, 28 жастағы әйелге 2003, 2005 және 2007 жылғы қыздарды қорлады деген айып тағылған. Осыған дейін өгей ана қыздарды қанша рет және қалай жазалағаны туралы жазбаша есеп жүргізген. Қыздардың туысы болып келетін Эльвира Қойымбетованың айтуынша, олардың туған шешесі бес жыл бұрын тастап кеткен, содан кейін балалар анасын көрмеген.