Ел жаңалықтары

Қарағанды әкімінің экс-орынбасары сот үкімімен қамаудан босатылды

  • https://kaz.tengrinews.kz/

    https://kaz.tengrinews.kz/

Қарағандыда әкімнің бұрынғы орынбасары Жақсылық Шалабеков бостандыққа шықты. Ол Қазыбек би аудандық сотының қаулысына сәйкес қамаудан босатылды, - деп хабарлайды Tengrinews.kz тілшісі.

 

Жақсылық Шалабеков үкім жарияланғаннан кейін тура 6 күн темір тордың ар жағында отырды. 14 маусымда Қазыбек би аудандық соты оны жазасын өтеп болуына байланысты қамаудан босату туралы қаулы шығарды. Сот құжатында Жақсылық Шалабековтің 2020 жылы 12 қыркүйектен бастап қамауда болғаны айтылған. Ол 13 маусымда босатылуы керек еді.

 

"Сот үкімі бойынша, Жақсылық Шалабековке 2020 жылғы 12 қыркүйектен бастап үкім заңды күшіне енгенге дейін қауіпсіздігі барынша төмен мекемеде бас бостандығынан айыру түріндегі жазаны өтеудің екі күні үшін күзетпен ұстаудың бір күні есебімен қамауда болған уақыты есепке алынды. Бас бостандығынан айыру түріндегі жаза мерзімі 2021 жылғы 13 маусымда аяқталды, одан әрі оны ұстау заңсыз және оның конституциялық құқықтары мен бостандықтарын бұзады. Көрсетілген жазаны ескере отырып, сотталған адамның жаза мерзімінің аяқталуына байланысты ол қамаудан дереу босатылды", - делінген Қарағанды Қазыбек би аудандық сотының қаулысында.

 

Еске салайық, Қарағанды әкімінің бұрынғы орынбасары Жақсылық Шалабеков 120 миллион теңге көлемінде бюджет қаражатын жымқырды деп айыпталған болатын. Тергеу нұсқасы бойынша, ол "Нұрлы Жер" мемлекеттік бағдарламасы бойынша көпқабатты тұрғын үйлер салу үшін бөлінген бюджет ақшасын жымқырған. Кейін сотта тергеу нұсқасы расталмады. Сот Жақсылық Шалабековке тағылған айыпты қайта қарап, оны өкілеттігін асыра пайдаланғаны үшін айыпты деп тапты. 8 маусымда Қазыбек би аудандық соты оны бір жарым жылға бас бостандығынан айырды. Бюджет қаражатын жымқырды деп айыпталған кәсіпкер Ермек Қасеновке сот 5 жылға шартты түрде бас бостандығынан айыру жазасын тағайындады. Сот оны алаяқтық ісі бойынша кінәлі деп тапқан еді.

 

 




Көрілген: 593    Пікірлер: 0

сейсенбі, 15.06.2021, 18:41

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    шілде
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4
    5 6 7 8 9 10 11
    12 13 14 15 16 17 18
    19 20 21 22 23 24 25
    26 27 28 29 30 31