Қазақша түсінетін ит көпті таң қалдырды (видео)

28 ақпан 2022, 10:01

Қазақ тілінде берілген бұйрықты бұлжытпай орындайтын ит желі қолданушыларын сүйсінтті. Жануар "отыр", "тұр", "құшақта" – деген сөздерді жақсы түсінеді.

Иттің иесі кім екені әзірге белгісіз, деп хабарлайды Экспресс К.

Ерекше жануардың видеосы ғаламторда пайда болды. Онда иесінің қазақша берген бұйрығын төрт аяқты бұлжытпай орындайды. Ол үшін иттің иесі қанша уақыт жұмсағаны белгісіз. Ақылды жануар жел қолданушылары арасында қызу талқыланып жатыр.

"Қазақша білмейтіндерге үлгі боларлық ит екен", "Ақылды жануар", "Бағасы қанша болды екен?", "Неміс овчаркасы ғой, оларды тәрбиелеу оңай шаруа емес", — деп түрлі пікір қалдырды желі қолданушылары.