Қазақстандағы шекарадан өткізу пункттерінде санитарлық эпидемиологиялық бақылауды күшейту туралы Асқар Мамин тапсырма берді, деп хабарлайды Stan.kz ақпарат агенттігі.
Елімізде бірқатар талаптар қатаңдатылды:
- 2020 ж. 26 қазаннан бастап шет елдердегі эпидемиологиялық ахуалды ескерумен шетелге ұшатын әуе рейстерінің санын қысқарту;
- Қазақстан аумағына келгендердің барлығын (соның ішінде ҚР азаматтарын), сондай-ақ екіжақты халықаралық тасымалдарды жүзеге асыратын жүргізушілерді міндетті ПТР-тестілеуден өткізу;
- Шетелден келушілерге, оның ішінде ҚР азаматтары үшін де ПТР тестіден өткені туралы анықтаманың жарамды мерзімін 3 күнге дейін белгілеу
Оған қоса, 2020 жылғы 19 қазаннан бастап ҚР көптеген өңірлік зертханаларында ПТР-тестілеу құны 9 мың теңгеге дейін төмендетілді.
24 қазаннан бастап Қазақстанда кейбір мекемелер демалыс күндері жұмыс істейтін болды. Оған қоса, 26 қазаннан бастап кинотеатрлар ашылады.