Ел жаңалықтары

Қазақстанда ипотека бойынша несиелік рақымшылық беру туралы ақпарат тарады: Азаматтарды бұған сенбеуге шақырды

  • Қазақстанда ипотека бойынша несиелік рақымшылық беру туралы ақпарат тарады: Азаматтарды бұған сенбеуге шақырды

    Қазақстанда ипотека бойынша несиелік рақымшылық беру туралы ақпарат тарады: Азаматтарды бұған сенбеуге шақырды

Әлеуметтік желіде ипотекалық тұрғын үй қарыздары бойынша "кредиттік рақымшылық" жарияланған туралы ақпарат таралды. Қаржы нарығын реттеу және дамыту агенттігі таратылған  ақпараттың жалған екенін мәлімдеді. Бұл туралы Stan.kz ақпарат агенттігі хабарлайды.

“Қазіргі уақытта 2007-2008 жылдардағы әлемдік қаржы дағдарысынан, сондай-ақ ұлттық валюта бағамының әлсіреуінен барынша зардап шеккен ипотекалық қарыз алушылардың жеке санатына көмек көрсету үшін Агенттік 2015 жылдан Ипотекалық қарыздарды қайта қаржыландыру бағдарламасын іске асыруда.

 
Осыған орай, бағдарлама талаптары бойынша қаржылық қолдау 2004 – 2009 жылдар аралығындағы кезеңде ипотекалық қарыз алған, сондай-ақ 2016 жылғы 1 қаңтарға дейін валюталық ипотекалық қарыз алған қарыз алушыларға көрсетіледі”, – деп хабарлады агенттік.

Мәліметтерге сүйенсек, бағдарламада белгіленген қаржылай көмек шаралары жалғыз баспанасы бар қарыз алушылар және халықтың әлеуметтік осал топтары (ХӘОТ) санатындағы борышкерлер үшін пайыздық мөлшерлемені 3%-ға дейін төмендетуді көздейді. Қалған валюталық ипотекалық қарыз алушылар үшін пайыздық мөлшерлеме 12%-дан аспайды.

Бұдан басқа, бағдарлама шеңберінде сыйақы, айыпақы (өсімпұл, айыппұлдар) және комиссиялар бойынша мерзімі өткен берешек есептен шығарылды.

Валюталық ипотекалық қарыздарға қатысты берешекті Ұлттық Банктің 2015 жылғы 18 тамыздағы бағамы бойынша (1 АҚШ доллары үшін 188,35 теңге) теңгеге конвертациялау жүргізілді.

Сондай-ақ, агенттік 2020 жылғы қаңтардан бастап ХӘОТ санатындағы ипотекалық қарыз алушылар үшін қосымша көмек шаралары іске асырылып жатқанын айтты.

Бұл деген сөз мұндай қарыз алушыларға банктер олардың қаржылық және әлеуметтік жағдайын қарастырып, талдау нәтижелерінен кейін қарыз бойынша берешекті төмендету және ай сайын 20 000 теңге мөлшерінде төлем жасаудың кестесін жасайды.

Қарыз алушылардың бұл санатына қолдау көрсету 2021 жылдың соңына дейін аяқталады.




Көрілген: 422    Пікірлер: 0

сәрсенбі, 08.12.2021, 10:20

Достарыңмен бөліс:





  • СОҢҒЫ ЖАРИЯЛАНЫМДАР:
    24 Қаңтар, 01:51
    Алматыда жер сілкінді

    Көп ашылған Көп пікір жазылған
    2022
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    2022
    қаңтар
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31