Қазақстанда Toyota Camry автокөлігін сату тоқтатылды

31 мамыр 2022, 13:55

Toyota көлігінің Қазақстандағы ресми дилерлік орталықтары Camry және RAV 4 автомобильдерін сатуды аяқтады. Бұл модельдердің Қазақстанға қашан жеткізілетіні әзірге белгісіз, деп хабарлайды Stan.kz ақпарат агенттігі. 

Бұл модельдердің қысқаруы Санкт-Петербургтегі Toyota зауыты жұмысының тоқтатылуына байланысты болып отыр. Себебі көліктер сол жерден өндіріліп, Қазақстанға жөнелтіледі. Бүгінде автомобиль компоненттерін жеткізудің кешіктірілуіне байланысты өндіріс тоқтатылды. 

"Тойота Мотор Қазақстан" автокөлік тапшылығына байланысты жағдай уақытша сипатқа ие деп хабарлайды. Компания баламалы шешімдерді іздеумен айналысады. Бұл Toyota RAV 4 және Toyota Camry модельдері жанкүйерлерінің жоғары сұранысын қанағаттандыруға мүмкіндік береді деп санаймыз ", - деп хабарлады компанияның баспасөз қызметі.


Қазақстан нарығына Hyundai автокөліктерінің тасымалы екі есеге артады
Қазақстанда қолданыста болған автокөліктер қымбаттай ма? Мамандар түсіндірді

Қазақстандық автобизнес қауымдастығының мәліметтері бойынша Toyota автокөліктері 2021 жылы ең көп сатылатын үштіктер қатарына енді. Жапон маркасының дилерлері 13,8 мыңнан астам автомобиль сатқан. Оның ішінде Camry моделі 5599 рет саудаға түскен.