Ел жаңалықтары

Қазақстанның сыртқы істер министрлігі мәлімдеме жариялады

  • Қазақстанның сыртқы істер министрлігі мәлімдеме жариялады

    Қазақстанның сыртқы істер министрлігі мәлімдеме жариялады

Қазақстан ғаламшарды ядролық қарудан азат ету мақсатында мемлекеттерді шартқа қосылуға шақырады
Сыртқы істер министрлігі ядролық қаруға тыйым салу туралы шарттың күшіне енуіне орай мәлімдеме жасады.

"Қазақстан ядролық қаруға тыйым салу туралы шарттың күшіне енуін құптайды. 2017 жылдың 7 шілдесінде БҰҰ-ға мүше 122 мемлекеттің қолдауымен қабылданған шарт ядролық қаруды толық жою жолындағы маңызды қадам болып табылады.Қазақстан әлемдегі төртінші ядролық арсенал иесінен ядролық қарусыздану және таратпау саласындағы көшбасшы елге айналған мемлекет ретінде жоба бойынша келіссөздер процесіне белсенді қатысты", - делінген хабарламада.

2019 жылдың 3 шілдесінде президент Қасым-Жомарт Тоқаев "Ядролық қаруға тыйым салу туралы шартты ратификациялау туралы" заңға қол қойды.

"БҰҰ Бас Ассамблеясының 74-ші сессиясында тұңғыш рет мемлекет басшысы ретінде сөйлеген сөзінде Тоқаев ядролық қарудан азат әлемге қол жеткізу біздің еліміз үшін басты басымдық болып қала беретінін мәлімдеді. Президент бұл ұмтылыс бізге ядролық қаруды жою жолындағы жаһандық қозғалыстың алдыңғы шебінде болуға моральдық құқық беретінін айтты", - деп жазылған министрлік мәлімдемесінде.

2020 жылдың қыркүйек айында БҰҰ Бас Ассамблеясының мерейтойлық сессиясында Қазақстан президенті пандемия жағдайында ядролық қаруды таратпау және қарусыздану дағдарысы елеулі сын-тегеуріндердің қатарында қалып отырғанын, ал "ядролық қаруды таратпау режимінің эрозиясы бәрімізді осал әрі қауіпті жағдайға ұшыратқанын" ерекше атап өтті.

Осыған байланысты Назарбаевтың Ядролық қауіпсіздік және ядролық қарудан азат әлем үшін жаһандық көшбасшылар альянсын құру жөніндегі бастамасы аса өзекті болып қала береді.

Қазақстан планетамызды ядролық қарудан азат ету мақсатында мемлекеттерді шартқа қосылуға шақырады.
 




Көрілген: 617    Пікірлер: 0

сенбі, 23.01.2021, 11:29

Достарыңмен бөліс:

  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    ақпан
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5 6 7
    8 9 10 11 12 13 14
    15 16 17 18 19 20 21
    22 23 24 25 26 27 28