Кейінгі тәулікте коронавирус пен пневмониядан қанша адам қайтыс болды?

23 желтоқсан 2021, 09:42

Кейінгі тәулікте коронавирус инфекциясына шалдыққандар туралы ақпарат жарияланды. Мәліметке сәйкес коронавирус пен пневмониядан 15 адам қайтыс болғаны анықталды, - деп хабарлайды Tengrinews.kz тілшісі Денсаулық сақтау министрлігіне сілтеме жасап.

Қайтыс болғандарда расталған ПТР талдауы (КВИ+) болғаны хабарланды.
 
Сондай-ақ, 21 желтоқсанда дәрігерлер ПТР-сынамасы (КВИ-) теріс нәтижелі коронавирус белгілері бар пневмонияның 75 жағдайын тіркегені айтылды.

23 желтоқсандағы жағдай бойынша 18 685 адам COVID-19 (16 239 КВИ+ және 2 446 КВИ-) инфекциясынан емделіп жатыр, оның ішінде 2 947 науқас стационарда, 15 738 науқас үйде ем алуды жалғастырып жатыр.

КВИ+ және КВИ- шалдыққандар арасында:

жағдайы ауыр - 262 науқас;
өте ауыр жағдайда - 73 науқас;
жасанды тыныс алу аппаратында - 62 науқас.