Ел жаңалықтары

«Кінәні мойындамаймыз»: Таубаев пен Басаров судьяның сұрағына жауап берді

  • «Кінәні мойындамаймыз»: Таубаев пен Басаров судьяның сұрағына жауап берді

    «Кінәні мойындамаймыз»: Таубаев пен Басаров судьяның сұрағына жауап берді

14 сәуірде Атырау облысының қылмыстық істер жөніндегі мамандандырылған ауданаралық сотында облыс әкімінің бұрынғы бірінші орынбасары Нұрлан Таубаев пен құрылыс басқармасының басшысы Тимур Басаровтың ісі бойынша негізгі сот талқылауы жалғасты. Сотталушылар «өз кінәсін мойындайды ма?» деген басты сұраққа жауап берді, деп хабарлайды azh.kz.

Бұған дейін хабарлағандай, Атырау облысы «қызыл аймақта» болғандықтан, сотталушылар сот отырысына тергеу изоляторларынан онлайн түрде қатысады. Алайда алдағы уақытта сот отырысы тек тікелей қатысушылармен бірге сот залында өтуі мүмкін. Сонымен қатар, отырысқа бірінші рет айыптау тарапының пайымы бойынша Таубаев пен Басаров ірі мөлшерде пара беруге бопсалаған жәбірленуші – құрылыс компаниясы директорының орынбасары қатысты.

«Сіз жаңа айыптау актісінің көшірмесін алдыңыз. Сізге тағылған айыппен келісесіз бе?» - деп сұрады төрағалық етуші судья Зарема Хамидуллина.

Таубаев пен Басаров келіспейміз деп жауап берді.

«Жаңа актіде баптар мен айыптау негіздері қалды, тек өтініш берушінің мәртебесі өзгерді. Жәбірленуші, сіз ескі айыптау актісін әлде жаңасын талап етесіз бе?» - деп сұрады судья.

Жәбірленушінің адвокаты Женни Жұмалиева ескі айыптауды талап етпейтінін айтты.

Бұл жерде өткен жылдың желтоқсан айында дәл сол сот айыптау актісінің бірінші нұсқасында процессуалдық қателіктер жіберілді деп, прокуратураға кері қайтарғанын атап өткен жөн.

Судья сотталушылардан «өз кінәларыңды мойындайсыңдар ма?» деп сұрады. Екеуі де кінәні мойындамаймыз деп жауап берді.

Сонымен қатар, осы сот отырысында Таубаевтың қорғаушысы ретінде қатысатын оның жұбайы денсаулығына байланысты қатысқан жоқ. Осыған байланысты адвокат Мұратхан Амитов сот процесін кейінге қалдыруға өтініш білдірді.

«Сотталушыларды басқа да кәсіби адвокаттар қорғайды, сондықтан процесті кейінге қалдырудың қажеті жоқ. Өтінішті қанағаттандырудан бас тартылды», - деді судья.

Сот дәлелдемелерді зерттеу тәртібін белгіледі және қатысушылардың өтінішін қарады. Сот процесі келесі аптада жалғасады.

Еске сала кетейік, 2020 жылдың 10 қыркүйегінде ұсталған Атырау облысы әкімінің бірінші орынбасары Нұрлан Таубаев пен облыстық құрылыс басқармасының бастығы Тимур Басаровқа 2 айға қамауға алу түріндегі бұлтартпау шарасын санкциялады.

4 желтоқсанда Сыбайлас жемқорлыққа қарсы іс-қимыл агенттігі Атырау облысы әкімінің бірінші орынбасары мен Құрылыс басқармасының басшысына қатысты қылмыстық істі сотқа дейінгі тергеп-тексеруді аяқтағанын хабарлады.




Көрілген: 1055    Пікірлер: 0

бейсенбі, 15.04.2021, 14:22

Достарыңмен бөліс:



  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    мамыр
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2
    3 4 5 6 7 8 9
    10 11 12 13 14 15 16
    17 18 19 20 21 22 23
    24 25 26 27 28 29 30
    31