Бұған дейін мамандар қараша айының бірінші жартысында термометр бағанасы түнде -10-23°C, күндіз -2-10°C дейін төмендейді деп болжаған болатын
Қазақстанда 31 қазан мен 2 қараша аралығында жаңбыр, қар жауып, көктайғақ болады, бұрқасындатады, деп хабарлады Қазгидромет.
Синоптиктердің болжамына сәйкес, Қазақстанның солтүстігінде ауа райы құбылмалы болады. Кей жерлерде жаңбыр және қар түрінде жауын-шашын жауады, көктайғақ болып, бұрқасындатады.
Республика бойынша кей жерлерде тұман түсіп, жел күшейеді.
Айта кетейік, бұған дейін синоптиктер қараша айында ауа райы қандай болатынын болжады. Қарашаның бірінші жартысында республиканың солтүстік бөлігінде, шығысында және орталығында қыстағыдай ауа райы болады. Жауын-шашын, көбінесе қар жауады, қарлы боран соғады, сондай-ақ көктайғақ болып, тұман жиі түседі.
Айдың бірінші жартысында ең суық күндерде термометр бағанасы түнде -10-23°C, күндіз -2-10°C дейін төмендейді.
Айдың екінші жартысында еліміздің оңтүстігінде жауын-шашын болады. Температура түнде -5-12°С, күндіз -1+5°С дейін төмендейді.