Ел жаңалықтары

"Құқығы бұзылғаны үшін 10 миллион теңгеге дейін талап ете алады": Карантинді бұзған қазақстандықтардың есімін жариялау заңға қайшы емес пе

  • "Құқығы бұзылғаны үшін 10 миллион теңгеге дейін талап ете алады": Карантинді бұзған қазақстандықтардың есімін жариялау заңға қайшы емес пе

Бүгін 23 шілдеде Алматыда "Ashyq" жүйесі арқылы "қызыл статусы" анықталған 80 тұрғынға өзін-өзі оқшаулау режимін бұзғаны үшін 30 АЕК айыппұл салынды. Карантин талаптарына бағынбағандарға тек айыппұл салынып қоймай, олардың есімдері Жандарбек Бекшин басшылық ететін Алматы қаласының санитариялық-эпидемиологиялық бақылау департаментінің сайтында жарияланды. Шектеу шараларын бұзғандардың есімін БАҚ-та жариялау заңға қайшы емес пе? Бұл туралы Stan.kz тілшісі заңгерден сұрап білді. 

Департамент өкілдерінің сөздеріне сүйенсек, "қызыл статусы" анықталған 80 тұрғынға 14 күндік үй карантинін бұзғаны үшін 30 АЕК көлемінде айыппұл салынған, оның ішінде 2 тұрғын екінші рет айыппұл арқалап отыр. 

 "COVID-19 үшін ПТР тесті оң нәтижесін берген алматылықтар қоғамдық орындарға барып, "ASHYQ" бойынша жұмыс істейтін нысандарда-ХҚКО, мейрамхана, фитнес-орталықтар, әуежай және т.б. нысандардың қызметтерін пайдалануға тырысты. "Қызыл статусы" анықталған аталған тұрғындар "ASHYQ"жобасы бойынша жұмыс істейтін объектілерге жіберілмеді. Өзін-өзі оқшаулау режимін бұзатын тұрғындар банктер, университеттер, сауда, мейрамханалар, білім беру ұйымдары, байланыс, зейнетақы қоры және басқа да нысандардың қызметкерлері болып табылады. Вирус жұқтырған адамдармен байланыста болған тұлғалар өзін-өзі оқшаулау режимін сақтауы және басқа адамдарға жұқтырмас үшін адамдар көп жиналатын орындарға бармаулары тиіс", - делінген департамент хабарламасында.

Алайда заңгер Жангелді Сүлейменов мұның заңға қайшы екенін алға тартады. 

"Негізі елімізде жүзеге асырылып жатқан міндетті вакцинациялау немесе дезинфекциялау сынды шаралардың барлығы заңнамаға қайшы келеді. Міне, енді президенттің карантин шараларын қатаңдату деген сөздерінен кейін біздің шенеуніктер әдеттегідей "шаш ал десе, бас алып отыр". Былай қарасаң, қатаңдату деген сөздің өзі жағымсыз естіледі Карантин шараларын бұзғандардың есімін жариялау - ведомствоаралық комиссия басшысы, вице-премьер Ералы Тоғжановтың шығарған шешімі. Заң тұрғысынан алғанда тұрғындардың есімін жариялау керек деп ешбір құжатта айтылмаған. Ал егер заңда айтылмаса, президент те, үкімет басшысының орынбасары да мұндай талап енгізуге құқығы жоқ. Ол үшін парламентте заң қабылданып, президент құжатты бекітуі керек. Сол себепті де мұндай шешім заңсыз әрі негізсіз. Бұл бастама денсаулық сақтау министрлігінің коронавируспен күресудегі қауқарсыздығын көрсетеді", - дейді заңгер. 

Оның айтуынша, шектеу шараларына бағынбағандардың есімін жариялау - оларды жазалаудың бір түрі. Маман бұл үшін азамат сотқа жүгіне алатынын атап өтті. 

"Карантин шарасын бұзған адам есімі жарияланып кеткені үшін сотқа шағымдана алады. Бұл жағдайда мемлекеттік орган өкілдерінің өз әрекеттерінің заңды екенін дәлелдеуіне тура келеді. Аталмыш процесc әкімшілік-процессуалдық сотта қаралады. Бірақ менің ойымша, соттың азаматтың шағымын қарастыруы екіталай. Десек те егер тұрғын өзінің құқығы бұзылғанын дәлелдей алса, моральдық өтемақы талап ете алады. Өтемақы сомасы келтірілген моральдық шығынға қарай тағайындалады. Сотта жеңіп шыққан азамат 100 мыңнан 10 миллион теңгеге дейін қаражат сұрай алады. Бірақ сот келтірілген залалға 5 мың теңге тағайындау туралы шешім шығаруы ғажап емес", - дейді заң маманы. 




Көрілген: 699    Пікірлер: 0

жұма, 23.07.2021, 15:46

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30