Ел жаңалықтары

"Лениннің заманынан қалған пойыздар": Қазақстандықтар еліміздегі теміржол тасымалына шағымдануда

  • "Лениннің заманынан қалған пойыздар": Қазақстандықтар еліміздегі теміржол тасымалына шағымдануда

Қазақстандықтар еліміздегі теміржол қызметіне шағымдануда. Олардың сөздерінше, жаздыгүні пойыздарға отыру мүмкін емес, жолаушыларға жағдай мүлдем жасалмаған, деп хабарлайды Stan.kz ақпарат агенттігі. 

Алматылық Гүлмира Сәулебекова есімді желі қолданушысы Алакөлге демалысқа пойызбен барамын деп көресіні көргенін айтады.

“Пойыздардағы желдеткіштер істен шыққан, купедегі терезелер ашылмайды. Далада +42 градустық ыстық болса, купеде +52 градус. Жолсерік күні-түні пойыздың есігін ашып, ұстап тұруға мәжбүр болды. Балалардың басына орамал сулап, жауып отырдық. Түнде шыға берістің жанында отырдық. Вагондар сонау Лениннің заманынан бері қалып қойған. Біз басқа елдерден әлдеқайда артта қалып қойғанбыз. Демалысқа барғанымды ҚТЖ желкемнен сығып алды. Мен өз ақшамды қайтаруды талап етемін”, – дейді ол. 

Атырау тұрғыны Аманжол Жұмағалиев те осыған ұқсас жағдайға тап болған. 

“Маңғыстау-Атырау бағытында жол жүрген болатынбыз. Пойыз қозғалған кезде жолсеріктен желдеткіштердің істен шыққанын, “даладан жел соғуы керек” деген бейқам жауабын алдық. Вагондарда ыстыққа шыдамай, жылап отырған балалар көп болды. Тіпті телефон қуаттайтын тоқ таба алмадық. Ал дәретхана мен қолжуғышта су ақырын ағып тұрды. Мұндай 80-жылдардан қалған пойыздар қызметі үшін ақша алып отырған ҚТЖ басшылығына сәлем жолдағым келеді. Тәуелсіздігіне 30 жыл болған мемлекеттің жетістігі осы ескі пойыздар ма?” – дейді ер азамат. 

Өз кезегінде "ҚТЖ" ҰҚ " АҚ өкілдері аталған оқиға бойынша қызметтік тексеру басталғанын, тексеріс нәтижелері алдағы уақытта жариялатынын сөз етті. 




Көрілген: 469    Пікірлер: 0

сәрсенбі, 28.07.2021, 14:23

Достарыңмен бөліс:





  • СОҢҒЫ ЖАРИЯЛАНЫМДАР:

    Көп ашылған Көп пікір жазылған
    2021
    2008
    2009
    2010
    2011
    2012
    2013
    2014
    2015
    2016
    2017
    2018
    2019
    2020
    2021
    қыркүйек
    қаңтар
    ақпан
    наурыз
    сәуір
    мамыр
    маусым
    шілде
    тамыз
    қыркүйек
    қазан
    қараша
    желтоқсан

    Алаш Айнасы мұрағаты

    Дс Сс Ср Бс Жм Сн Жс
    1 2 3 4 5
    6 7 8 9 10 11 12
    13 14 15 16 17 18 19
    20 21 22 23 24 25 26
    27 28 29 30