Мамандар тәтті болмаса да қандағы қант деңгейін арттыратын өнімдерді атады

10 маусым 2022, 17:01

Эндокринолог және диетолог маман Оксана Михалева тәтті ғана емес, сонымен қатар қантсыз көмірсулардың сіңу жылдамдығын көрсететін, гликемиялық индексі неғұрлым жоғары өнімдердің қандағы қант деңгейін соғұрлым тез арттыратынын айтты, деп хабарлайды Stan.kz ақпарат агенттігі.

"Глекемиялық (ГИ) жоғары тағамдарды үнемі тұтыну метаболизмді бұзады, аштықты тудырады және майдың жиналуын белсендіреді. Сонымен қатар, ГИ жоғары тағамдардың артық болуы 2-типті қант диабетінің дамуын тудырады", - деп атап өтті дәрігер. 


Жоғары ГИ тәттілерге, бидай ұнынан жасалған кондитерлік өнімдерге, күріштерге, картоптарға, кеспелерге, тез дайындалатын ботқаларға, газдалған сусындарға және т.б. өнім құрамына кіреді. Бұл топқа қарбыз, қауын, сәбіз сияқты жемістер мен көкөністер де жатады.

Көптеген дәнді дақылдар, бұршақ дақылдары, көкөністер, жидектер және қантсыз жемістер төмен гликемиялық индекске ие.